Myndband með frétt

„Okkur er hreinlega haldið hér í gíslingu”

- dýpið mælt í Landeyjahöfn í gær

22.Apríl'19 | 10:45
disa_2019

Dísa við bryggju í Eyjum. Ljósmynd/TMS

Lóðsinn mældi dýpið í Landeyjahöfn síðdegis í gær. Á mælingunni má sjá að talsvert af sandi hefur safnast aftur fyrir á milli hafnargarðanna, sem og innan hafnar. Dýpið er nú minnst um 3,7 metrar en Herjólfur ristir 4,2 metra.

Ljóst er á þessari mælingu að Björgun þarf einhverja daga til dýpkunar á svæðinu, en Dísa, dýpkunarskip Björgunar er enn við bryggju í Eyjum þrátt fyrir að skilyrði hafi verið síðan í gærkvöldi til dýpkunar á svæðinu. 

Samkvæmt ölduspánni á að vera hægt að dýpka höfnina til miðvikudags, en þá á ölduhæðin að hækka aftur til skamms tíma.

Engin afsökun að vera ekki með allt klárt eftir brælustopp í á aðra viku

Íris Róbertsdóttir, bæjarstjóri segir í samtali við Eyjar.net að staðan sé afleidd. „Við erum komin í síðustu viku apríl-mánaðar og enn bíðum við þess að höfnin opni. Það er sérstaklega bagalegt þegar að gluggi opnast til dýpkunar - þá eru menn ekki einu sinni á tánum - tilbúnir með áhöfn. Þá lá fyrir að ölduspáin færi niður í gær, og því engin afsökun að vera ekki með allt klárt eftir brælustopp í á aðra viku. Okkur er hreinlega haldið hér í gíslingu”. segir Íris.

Hér að neðan má sjá dýptarmælinguna frá í gær. Hægt er að smella á myndina til að sjá hana stærri. Enn neðar má sjá myndband sem Halldór B. Halldórsson tók yfir Landeyjahöfn í morgun.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Vilt þú ná til Eyjamanna?

28.Júní'17

Þá er Eyjar.net rétti staðurinn til þess. Sendu okkur línu á auglysingar@eyjar.net - og við aðstoðum þig að finna góða lausn fyrir þig og þitt fyrirtæki.