Meistaradeildin:

Fær ekki að heita „Sukki”

8.Apríl'19 | 11:39
hamborgari

Sumir tala um að sukka þegar hámað er í sig skyndibitamáltíð.

Mannanafnanefnd hefur hafnað beiðni fullorðins manns sem vildi fá að heita Sukki. Nefndin sagði í úrskurði sínum að nafnið væri dregið af nafnorðinu sukk sem merki svall, óregla, eyðslusemi, óráðsía eða hávaði og háreysti. Nafnorðið hefði því mjög neikvæða merkingu.

Fram kemur í úrskurði mannanafnanefndar að þegar fullorðinn maður sæki um að taka upp nýtt nafn sé ekki unnt að fullyrða að nafnið verði honum til ama.

„Hins vegar verður ekki hjá því komist að hafa í huga að með því að setja nafn á mannanafnaskrá er það um leið orðið mögulegt nafn fyrir nýfædd börn,“ segir í úrskurði nefndarinnar. Því megi gera ráð fyrir að nafnið Sukki geti hugsanlega orðið barni til ama og því sé ekki heppilegt að slíkt nafn sé á mannanafnaskrá.

Nefndin hafnaði einnig tveimur öðrum nöfnum, Thurid og Valthor, þar sem hún taldi að ritháttur nafnanna hefði ekki unnið sér hefð í íslensku máli. Nefndin féllst svo á tvö nöfn, Lynd og Systu. Fyrrnefnda nafnið er dregið af sagnorðinu lynda og það síðarnefnda uppfyllir ákvæði um mannanöfn þar sem það tekur íslenskri beygingu í eignarfalli.

 

Ruv.is greindi frá.

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Lumar þú á grein?

11.Janúar'19

Endilega sendu okkur hana á eyjar@eyjar.net. Eyjar.net - fyrir alla. 

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Mannlíf og saga - hlaðvarp

2.Mars'21

Nýtt hlaðvarp/podcast fer í loftið á fimmtudaginn 4. mars nk. Nýr þáttur kemur út á hverjum fimmtudegi og verður hlaðvarpið aðgengilegt á Eyjar.net ásamt helstu veitum svo sem Spotify og Youtube. Fylgstu með...