Síðustu áhafnarmeðlimir Herjólfs á heimleið frá Póllandi

- koma með flugi, en ekki siglandi

4.Apríl'19 | 11:37
herjolf_nyr_0219

Nýr Herjólfur bundinn við bryggju í Póllandi. Mynd/aðsend

Lítið virðist þokast á milli deiluaðila varðandi lokauppgjör á smíði nýs Herjólfs eins og staðan er í dag. Samkvæmt heimildum Eyjar.net hefur ekki verið boðað formlega til fundar fulltrúa skipasmíðastöðvarinnar Crist S.A og Vegagerðarinnar.

Þá eru síðustu íslensku áhafnarmeðlimirnir á heimleið frá Póllandi, sem undirstrikar það að einhver tími sé í að samningar náist og skipið verði afhent. Yfirvélstjóri ferjunnar er að fljúga heim frá Póllandi í dag og skipstjórinn fer heim um eða eftir helgi. Þessir aðilar hafa verið hvað lengst í Gdynia við vinnu og eftirlit með smíðinni.

Björgvin Ólafsson, umboðsmaður skipasmíðastöðvarinnar segir að ekki sé komin niðurstaða um formlegan fund á milli deiluaðila. Hann staðfestir þó að lögfræðingar deiluaðila hafi verið í símasambandi vegna málsins.

Skipasmíðastöðin Crist S.A er stór skipasmíðastöð þar sem að jafnaði starfa 2500-3000 manns. Stöðin afhenti til að mynda sjö stór skip á síðasta ári.

G. Pétur Matthíasson, upplýsingafulltrúi Vegagerðarinnar segir í samtali við Eyjar.net að verið sé að vinna í þessu og það þokist. Annað getur hann ekki sagt á þessu stigi málsins.

Ferjan er samkvæmt heimildum Eyjar.net alveg fullbúin og tilbúin til brottfarar. Það eina sem stendur útaf borðinu eru uppgjörsmálin. Á meðan svo er hefur pólska skipasmíðastöðin fullan rétt á að halda ferjunni.

Tags

Herjólfur

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.