Hvíslið:

Landeyjahöfn og mjaldrarnir

2.Apríl'19 | 09:28
mjaldrar_you_tube

Mjaldrarnir Little Grey og Little White. Skjáskot/Youtube

Til stendur að flytja mjaldrarna Little Grey og Little White með flugvél Cargolux til Íslands þann 16. apríl nk. Í framhaldinu stóð til að aka þeim með trukkum í Landeyjahöfn þar sem flytja átti þá með nýjum Herjólfi yfir í sín nýju heimkynni í Eyjum. 

Nú er ljóst að ný ferja verður ekki komin í áætlun í tæka tíð fyrir þann flutning, þrátt fyrir að vera tilbúin í Póllandi. En það sem verra er þá lítur út fyrir að tæpt verði hvort Landeyjahöfn verði fær fyrir flutninginn. En sem kunnugt er þá er dýpið lítið í hafnarminninu.

Allt er að verða klárt í Eyjum fyrir komu mjaldrana. Nú er hvíslað um það í Eyjum hvort að til standi að flytja mjaldrana í gegnum Þorlákshöfn eða hvort til standi að fresta fluginu frá Sjanghæ, ef að ekki verði búið að opna höfnina í Landeyjum.

Merkilegt er í þessu öllu er að óvissan er ekki um að flytja mjaldrana á milli heimsálfa, heldur er það síðasti leggurinn, leggurinn milli lands og eyja sem er óvissu háður. Þetta er ekki bara veruleiki mjaldra frá Kína, heldur er þetta veruleiki sem Eyjamenn búa við dag frá degi.

 

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Mannlíf og saga - hlaðvarp

2.Mars'21

Fylgstu með hlaðvarpinu Mannlíf og saga. Nýr þáttur kemur út á hverjum fimmtudegi og er hlaðvarpið aðgengilegt hér á Eyjar.net og einnig á helstu veitum, svo sem Spotify. Sjá nánar hér...

Má bjóða þér að auglýsa hér?

23.Júní'22

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.