Samstarfssamningur um umsjón með Herjólfi III

1.Apríl'19 | 05:32
herjolf_thor

Herjólfur III mun áfram þjónusta Eyjamenn, á meðan beðið er nýrrar ferju. Ljósmynd/TMS

Bæjarráð Vestmannaeyja kom til aukafundar fyrir helgi til þess að fjalla um og samþykkja samstarfssamning Vestmannaeyjabæjar og Vegagerðarinnar um umsjón með Herjólfi III (eldra skipi), þurrlegusamning um siglingu skipsins og viðauka um breytingar á þjónustusamningi vegna seinkunar á afhendingu nýrrar ferju.

Samstarfssamningurinn er gerður með vísan til þjónustusamnings ríkisins við Vestmannaeyjabæ og fylgiskjöl um ferjusiglingar milli Vestmannaeyja og Landeyjahafnar/Þorlákshafnar. Samkvæmt þeim samningi tekur Vestmannaeyjabær að sér rekstur ferjusiglinga milli lands og Eyja með nýrri ferju þegar hún verður tekin í notkun. Vestmannaeyjabær hefur falið Vestmannaeyjaferjunni Herjólfi ohf. að annast verkefnið og tekur félagið við rekstri ferjuleiðarinnar þann 30. mars 2019 og sinnir því til 31. október 2021.

Ekki liggur fyrir hvenær ný ferja verður tilbúin til reksturs og því er nauðsynlegt að gera ráð fyrir því að nýr rekstraraðili noti núverandi ferju fyrst um sinn. Þar til reynsla er komin á nýja ferju og ekki hafa verið teknar ákvarðanir um ráðstöfun núverandi ferju, hefur verið ákveðið tímabundið að tryggja að núverandi ferja verði til taks, tilbúin til notkunar þegar þörf er á. Á meðan á þessari tímabundnu ráðstöfun stendur mun Vestmannaeyjabær taka að sér umsjón núverandi ferju þar sem hún verður við bryggju í Vestmannaeyjahöfn.

Bæjarráð samþykkir fyrirliggjandi samning, viðauka um breytingar á þjónustusamningi og þurrglegusamning um siglingar Herjólfs III (eldri Herjólfs) og felur bæjarstjóra að undirrita fyrrgreind skjöl, segir í bókun bæjarráðs.

 

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).