Helga J. Harðardóttir skrifar:

Leitum eftir styrktaraðilum

29.Mars'19 | 16:18
ran_ads_19

Frá æfingu Fimleikafélagsins. Mynd/aðsend

Um helgina kom Bjarni Gíslason fimleikaþjálfari frá Afreksþjálfun til fimleikafélagsins og var með æfingar fyrir stóran part að iðkendum félagsins. 

Fimleikafélagið Rán hefur verið í samstarfi við fyrirtæki Bjarna , Afreksþjálfun um nokkurt skeið og er markmiðið að byggja upp félagið. Það má með sanni segja að mikil uppbygging hefur átt sér stað. Bjarni kemur reglulega til okkar eða aðrir reyndir þjálfarar á hans snærum.

Hann leiðbeinir iðkendum okkar, kemur með fjölbreyttar æfingar og það sem allra mikilvægast er að hann leiðbeinir þjálfurunum okkar. Við höfum fengið til liðs við okkur úrval af frábæru fólki sem vill þjálfa hjá félaginu ásamt því að vera komin með yfirþjálfara sem sér um skipulag þjálfaramála hjá félaginu.

Með þessari miklu vinnu hefur okkur tekist að gera æfingar meira krefjandi og skemmtilegri. Fyrir vikið hefur fjöldi iðkenda hjá félaginu aukist töluvert. Eitt er víst að með uppbyggingunni fylgir mikill kostnaður ásamt því að vegna aukins fjölda iðkenda er félaginu farið að vanta ýmis áhöld og tæki.

Okkur langar því að leita til góðverkafélaga eða fyrirtækja til þess að styrkja okkur og í leiðinni taka þátt í uppbyggingu í fimleikum í Vestmannaeyjum. Það má geta þess að félagið varð 30 ára á þessu fimleikaári og erum við gríðarlega stolt af hvernig tekist hefur til í þessari vinnu okkar.

Hvort sem styrktaraðilar hafa áhuga á að gefa félaginu áhöld eða veita styrki í formi peninga þá er hægt að hafa samband við undirritaða eða gjaldkera félagsins sem er Þórsteina Sigurbjörnsdóttir.

Með ósk um jákvæð viðbrögð og við minnum á í leiðinni að margt smátt gerir eitt stórt.

 

Fyrir hönd Ránar

Helga J. Harðardóttir, formaður

 

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).