Heilbrigðisstofnun Suðurlands:

Hermann Marinó ráðinn í stöðu yfirmanns sjúkraflutninga

26.Mars'19 | 07:22
Hermann-Marínó-Maggýjarson

Hermann Marinó Maggýjarson

Hermann Marinó Maggýjarson hefur verið ráðinn í stöðu yfirmanns sjúkraflutninga við Heilbrigðisstofnun Suðurlands, frá 1. apríl 2019 til 5 ára.

Hermann Marinó Maggýjarson er fæddur árið 1977. Hann hóf störf sem sjúkraflutningamaður við Heilsugæslu Ólafsvíkur 1999. Síðan starfaði hann sem lögreglumaður á Suðurlandi og í framhaldi af því sem slökkviliðs- og neyðarflutningamaður hjá slökkviliði höfuðborgarsvæðisins. Þá tók hann við starfi sem sjúkraflutningamaður við HSU árið 2010 og gegnir í dag stöðu varðstjóra en var þar á undan staðgengill varðstjóra frá árinu 2011. Hann hefur s.l. 2 mánuði starfað tímabundið sem yfirmaður sjúkraflutninga á Suðurlandi í afleysingum.

Hermann Marinó hefur kennt hjá Sjúkraflutningaskólanum frá árinu 2005 og einnig unnið við kennslu í skyndihjálp. Hann býr að mikilli og víðtækri starfsreynslu á þessu sviði sjúkraflutninga eða í samtals 20 ár. Annað hvort eða bæði sem sjúkra- og atvinnuslökkviliðsmaður og sem lögregluþjónn. Hann hefur starfsmenntun sem atvinnuslökkviliðsmaður, neyðarflutningsmaður og sjúkraflutningsmaður, auk þess að hafa lokið prófi í bifreiðasmíði. Nú síðast lauk Hermann Marinó námi sem bráðatæknir (paramedic) frá National Medical Education & Training Center í Boston árið 2017.

Hermann Marinó hefur afar góðan bakgrunn á sviði menntunar og starfsreynslu fyrir starfið.  Hermann Marinó hefur framúrskarandi sýn á hvernig móta má skipulag sjúkraflutninga hjá HSU. Hann hefur skýra sýn á árangursríkar leiðir í rekstri og stjórnun. Jafnframt hefur hann skarpa sýn á faglegt forystuhlutverk yfirmanns sjúkraflutninga, árangursrík samskipti við samstarfsmenn og hvaða tækifæri eru til áframhaldandi uppbyggingar sjúkraflutninga hjá HSU með hagsmuni þjónustuþega að leiðarljósi í heilbrigðisumdæmi Suðurlands, segir í tilkynningu frá Herdísi Gunnarsdóttur, forstjóra HSU sem birtist á heimasíðu stofnunarinnar.

Tilboð á gistingu á Brú Guesthouse

21.Ágúst'20

Brú Guesthouse býður tilboð á gistingu á til áramóta. Gisting í smáhýsi fyrir 2.  9.900,- kr. nóttin. 2.000 kr fyrir auka gest. Húsin rúma 4 gesti. 
Stærra hús 12.900 kr. nóttin og 2.000 fyrir auka gest. Upplýsingar á Info@bruguesthouse eða í síma 659-4005.
 

Þjóðhátíðartjald til sölu

16.Október'20

Er með til sölu þjóðhátíðartjald með innbúi. Þrír bekkir, kommóða og borð fylgir með, auk skrauts. Verð 300.000,- Nánari upplýsingar veitir Viktor í síma 845-0533.  

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%