Fulltrúi pólsku skipasmíðastöðvarinnar Crist S.A:

Kannast ekki við að viðræður hafi farið fram

- eðlilegt næsta skref að ríkið sendi hingað út sendinefnd sem setjist niður með okkur og fari vel yfir þessi mál

24.Mars'19 | 15:21
herjolf_nyr_0219

Nýr Herjólfur er nú tilbúinn í Póllandi. Ljósmynd/aðsend

Í gær sendi Vegagerðin frá sér tilkynningu er varðar lokauppgjör og viðbótarkröfur pólsku skipasmíðastöðvarinnar Crist S.A. um smíði nýs Herjólfs. 

Þar kom fram að skipasmíðastöðin hefur sett fram kröfu um viðbótargreiðslu sem séu ekki í samræmi við samning aðila vegna smíðinnar. Skriflegir samningar hafa verið gerðir vegna allra aukaverka sem til hafa fallið á smíðatímanum bæði hvað varðar verð og hugsanlegar tafir. Af þessum sökum telur Vegagerðin að megindrættir lokauppgjörs liggi fyrir með skýrum hætti, segir m.a í tilkynningunni.

Eyjar.net sendi fyrirspurn í kjölfarið til Vegagerðarinnar um næstu skref í málinu. G. Pétur Matthíassson segir að næstu skref ráðist af viðbrögðum skipasmíðastöðvarinnar. Aðspurður segir hann að skipasmíðastöðin hafi heimild til að halda skipinu á meðan ósamið er.

Skipið klárt fyrir heimsiglingu

Björg­vin Ólafs­son, fram­kvæmda­stjóri BP Shipp­ing Agency Ltd. sem er umboðsaðili Crist skipa­smíðastöðvar­inn­ar í Gdynia, seg­ir í samtali við Eyjar.net að skipið sé til­búið til af­hend­ing­ar.

,,Full­trúar Sam­göngu­stofu og flokk­un­ar­fé­lagsins eru búnir að taka skipið út og gefið út alla pappíra fyrir heimsiglingu.” segir Björgvin. Hann segir jafnframt að pólverjarnir undrist yfirlýsingar Vegagerðarinnar, þar sem þeir kannist ekki við að viðræður hafi farið fram um þau aukaverk sem útaf standi.

,,Við teljum eðlilegt næsta skref að ríkið sendi hingað út sendinefnd sem setjist niður með okkur og fari vel yfir þessi mál. Fyrr en þeim viðræðum lýkur er lítið meira sem að við viljum segja um málið opinberilega.” segir Björgvin Ólafsson.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).