Algjörlega óvænt krafa og veruleg fjárhæð

- krafan er þess eðlis að ef hún hefði verið uppi á borði á sínum tíma þá hefði ekki verið samið við skipasmíðastöðina, segir forstjóri Vegagerðarinnar

23.Mars'19 | 15:58
Bergthora_Thorkelsdottir_stjr

Bergþóra Þorkelsdóttir, forstjóri Vegagerðarinnar

Krafa pólsku skipasmíðastöðvarinnar Crist S.A í Póllandi um viðbótargreiðslur fyrir smíði Herjólfs komu forstjóra Vegagerðarinnar algjörlega óvænt. Hún segir að krafan hafi borist á lokametrunum. Á þessari stundu er allt óljóst um það hvaða áhrif krafan hefur á það hvenær skipið verður afhent.

Smíði skipsins er á lokastigi og vonast var til þess að Vegagerðin fengi skipið afhent öðru hvoru megin við næstu helgi. Undir lok smíðatímans, þegar átti að fara að ganga frá lokauppgjöri kom upp krafa frá skipasmíðastöðinni um viðbótargreiðslur sem ekki var getið um þegar samið var um smíði skipsins. Fréttavefur Ríkisútvarpsins greinir frá.

Bergþóra vill ekki gefa upp hversu há þessi viðbótarkrafa er, en hún sé veruleg. „Hún er þess eðlis að ef hún hefði verið uppi á borði á sínum tíma þá hefði ekki verið samið við skipasmíðastöðina,“ segir Bergþóra og bætir við að þetta geti augljóslega haft áhrif á afhendingu skipsins. 

Sjá einnig: Crist S.A. gerir kröfur um viðbótargreiðslu

Vegagerðin hefur stungið upp á því við skipasmíðastöðina að ganga frá greiðslum í samræmi við samninginn og taka á móti skipinu og setja það sem menn voru ósammála um í úrskurð gerðardóms. „Því hefur ekki verið tekiið ennþá,“ segir Bergþóra. 

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

V.I.P - tjaldsvæði á Þjóðhátíð

16.Júlí'18

Vaktað tjaldsvæði yfir Þjóðhátíð með salernisaðstöðu, á besta stað í Eyjum, skammt frá Herjólfsdal, (við Áshamar).
Þú getur hlaðið símann - endurgjaldslaust, loftpressa til að blása dýnuna - auk annara fríðinda. Smelltu hér - til að sjá nánar.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.