Eftir Birgi Þórarinsson

Séreignarsparnaður og húsnæði - mikilvægt úrræði fellt niður

20.Mars'19 | 15:06
birgir_thorarins_lit

Birgir Þórarinsson

Að greiða niður skuldir er árangursrík leið til eignamyndunar og eiga stjórnvöld á hverjum tíma að leitast við að skapa aðstæður sem hvetja íbúðaeigendur til að greiða niður skuldir eins og kostur er. 

Með því að greiða inn á íbúðalán með viðbótarlífeyrissparnaði nýtur viðkomandi skattaafsláttar og mótframlags launagreiðanda auk þess sem innborgunin lækkar heildar vaxtagreiðslu og verðbætur. Hér hefur verið um mikilvægt úrræði að ræða sem felur í sér skattfrjálsa ráðstöfun séreignasparnaðar til íbúðakaupa og inn á höfuðstól húsnæðislána. Samkvæmt upplýsingum frá lífeyrissjóðum hefur þetta úrræði verið töluvert notað. Í dag nýta nokkur þúsund einstaklingar sér þetta úrræði og mánaðarlega berast á milli 300 og 400 nýjar umsóknir. Samkvæmt upplýsingum frá Ríkisskattstjóra.

Hvað íbúðakaup varðar hafa þeir sem nýtt hafa sér þetta úrræði getað fengið séreign útborgaða skattfrjálst upp í kaup á íbúð. Inn á höfuðstól húsnæðislána hefur verið heimilt að greiða allt að 4% framlag launþega og 2% framlag launagreiðanda, hámark 500.000 krónur á ári fyrir einstakling en 750.000 krónur á ári fyrir hjón, eða aðra sem uppfylla skilyrði til samsköttunar.

Nýting séreignarsparnaðar felld niður þvert á ráðleggingar

Verð á fasteignum hefur hækkað verulega á undanförnum árum. Þrátt fyrir þetta hefur ríkisstjórnin ákveðið að falla frá heimild til nýtingar séreignarsparnaðar til íbúðakaupa og niðurgreiðslu íbúðalána. Áfram verður þó hægt að nýta séreignarsparnaðinn fyrir þá sem eru að kaupa íbúð í fyrsta sinn. Þetta var samþykkt í fjárlögum og á að taka gildi um mitt þetta ár. Hér er um óskynsamlega ráðstöfun að hálfu ríkisstjórnarinnar að ræða. Starfshópur sem forsætisráðherra (júní 2017) skipaði til að fara yfir hlutverk lífeyrissjóða í uppbyggingu atvinnulífs lagði áherslu á að auka svigrúm til séreignar- og húsnæðissparnaðar.

Starfshópurinn leggur til að tryggður verði sveigjanleiki sjóðsfélaga til að nýta séreignarsparnaðinn til að greiða inn á húsnæðislán og / eða við kaup á íbúð.

Ekki verður sé annað en að ákvörðun ríkisstjórnarinnar um að fella niður þetta mikilvæga úrræði gangi þvert á tillögur starfshópsins og eru það mikil vonbrigði.

Lagafrumvarp Miðflokksins – áfram verði hægt að nýta séreignarsparnað

Fyrir síðustu jól lagði ég til breytingartillögu við fjárlagafrumvarpið, þess efnis að heimildarákvæðið til  nýtingar séreignarsparnaðar til íbúðakaupa og niðurgreiðslu íbúðalána yrði framlengt. Tillagan var því miður felld af ríkisstjórnarflokkunum.

Ég hef nú gert aðra tilraun og lagt fram á Alþingi lagafrumvarp um sama efni - að áfram verði hægt að nýta séreignarsparnaðinn til íbúðakaupa og sem greiðslu inn á íbúðalán.

Fróðlegt verður að sjá hvort að ríkisstjórnarflokkarnir; Vinstri grænir, Sjálfstæðisflokkur og Framsóknarflokkur standi áfram í vegi fyrir þessu mikilvæga úrræði fyrir almenning.

 

Birgir Þórarinsson

 

Höfundur  er þingmaður Miðflokksins í Suðurkjördæmi.

 

 

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Tilboð á gistingu á Brú Guesthouse

21.Ágúst'20

Brú Guesthouse býður tilboð á gistingu á til áramóta. Gisting í smáhýsi fyrir 2.  9.900,- kr. nóttin. 2.000 kr fyrir auka gest. Húsin rúma 4 gesti. 
Stærra hús 12.900 kr. nóttin og 2.000 fyrir auka gest. Upplýsingar á Info@bruguesthouse eða í síma 659-4005.
 

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).