Annað dýpkunartæki væntanlegt í Landeyjahöfn

- miðað við nýjustu veðurspár mun ekki takast að gera höfnina klára fyrr en í fyrsta lagi eftir þarnæstu helgi

15.Mars'19 | 11:15
IMG_4199

Tómlegt í Landeyjahöfn. Dísan fór þangað í morgun en er nú komin aftur til Eyja. Ljósmynd/TMS

Unnið er eftir verkáætlun sem miðar að því að gera höfnina klára fyrir Herjólf eins fljótt og hægt er, segir í tilkynningu frá Vegagerðinni varðandi dýpkun í og við Landeyjahöfn. Dýpkunarskipið Dísa hélt af stað í morgun en er nú komin aftur til Eyja.

„Eins og staðan er núna á eftir að fjarlægja 30 þús m3, þar af 5-10 þús m3 milli garða og afganginn í innri hluta hafnarinnar. Það er mikilvægt að við fáum næði til að klára þetta áður en umferð verður sett á höfnina.” segir ennfremur í tilkynningunni.

Búið að fjarlægja 11-12 þúsund rúmmetra

Vinna með dýpkunarskipi hófst 4. mars. Skipið afkastar ca 5000 m3 á sólarhring við kjöraðstæður. Afköstin minnka þegar aðstæður versna. Aðstæður á hverjum tíma eru metnar út frá ölduhæð, öldulengd og vindhraða. Skipið vann við dýpkun 4., 5., 6., 7., 12. og 13. mars. Búið er að fjarlægja 11-12 þúsund m3.

Sjá einnig nýjustu dýptarmælingu: Dýpið við Landeyjahöfn

4-6 daga til þess að fjarlægja sandinn sem er að trufla

Annað dýpkunartæki, gröfuprammi sem er í Þorlákshöfn núna og verður fluttur til Landeyjahafnar um leið og það er hægt. Mögulega um helgina en það er ekki öruggt.

Vonast er til að hægt verði að auka afköstin í allt að 10 þús m3 á dag þegar gröfupramminn verður kominn. Mat Vegagerðarinnar er að það þurfi bæði tæki í 4-6 daga til þess að fjarlægja sandinn sem er að trufla miðað við stöðuna núna.

Miðað við nýjustu veðurspár verður hægt að vinna frá aðfaranótt sunnudags og fram á mánudagskvöld og síðan ekki meir fyrr en á föstudag – laugardag í næstu viku. Samkvæmt þessu mun ekki takast að gera höfnina klára fyrr en í fyrsta lagi eftir þarnæstu helgi, segir í tilkynningu Vegagerðarinnar.

 

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%