Reynt til þrautar að finna loðnu

4.Mars'19 | 13:31
lodnuveidar_sp_eyjar.net

Eyjaskip á loðnumiðum. Mynd/úr safni

Tvö skip reyna nú til þrautar að finna loðnu eftir að sjómenn sáu fallegar torfur sunnan við land um helgina. Sviðstjóri hjá Hafró gerir sér hóflegar væntingar. Þetta gæti verið sama loðna og áður fannst austan við land, en ekki útilokað að eitthvað hafi bæst við.

Greint er frá þessu á fréttavef Ríkisútvarpsins - ruv.is. Þar segir einnig að ákveðið hafi verið að fresta leit fyrir vestan og senda leitarskipin að mögulegri göngu úr tveimur áttum.

Grænlenska skipið Polar Amaroq sem er í eigu dótturfélags Síldarvinnslunnar í Neskaupstað sigldi frá Reykjavík í gær og í stað þess að fara vestur kembdi það svæði suður af Reykjanesi. Þorsteinn Sigurðsson, sviðsstjóri hjá HAFRÓ, segir að þar hafi ekkert sést af þeim fallegu tofum sem sjómenn sáu á svæðinu frá Vestmannaeyjum og austur undir Skeiðarárdýpi. Þær voru á hraðri leið vestur og ekki ólíklegt að þær syndi brátt í flasið á Polar Amaroq eða Heimskauta-úlfinum. Hann kom við í Þorlákshöfn í morgun og hirti upp rannsóknarfólk HAFRÓ, hringsólaði úti fyrir Eyrarbakka og Stokkseyri og tók stefnuna austur á móti mögulegri loðnugöngu.

Á kvöldflóði eða milli fjögur og fimm í dag blandar skipið Ásgrímur Halldórsson frá Skinney Þinganesi sér í eltingarleikinn, fer frá Hornafirði og nálgast fiskinn sem prýðir tíkallinn hinum megin frá. Þorsteinn hjá HAFRÓ segir að torfurnar sem sáust um helgina gætu að hluta verið sami fiskur og áður mældist fyrir austan land. Það voru um 200 þúsund tonn og þótti ekki ástæða til að gefa út kvóta en ekki er útilokað að nú hafi eitthvað bæst við.

Algjör bestur myndi valda tekjutapi hjá útgerðum í uppsjávarveiðum og vinnslu. Markaðir fyrir loðnu og hrogn gætu tapast. Þá yrðu sjómenn og starfsfólk í verksmiðjum í landi af tekjum. Einnig sveitarfélög og hafnarsjóðir. Víða hefur verið gert ráð fyrir tekjum í fjárhagsáætlunum og hafa bæjaryfirvöld í Vestmannaeyjum og Fjarðabyggð falið fjármálastjórum sínum að taka saman upplýsingar um mögulegt tekjutap vegna loðnubrests.

 

Ruv.is

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).