Herjólfur ohf. tekur við rekstri Herjólfs 30. mars

4.Mars'19 | 12:26
herj_ny_0219-001

Nýja Vestmannaeyjaferjan hefur verið í sjóprófum undanfarið. Ljósmynd/aðsend

Á fundi bæjarstjórnar á fimmtudaginn var, var umræða um samgöngumál. Þar upplýsti bæjarstjóri bæjarstjórn um eftirfarandi þætti:

Fyrirtækið Björgun er tilbúið til að hefja dýpkun í Landeyjarhöfn. Samningur milli fyrirtækisins og Vegagerðarinnar um dýpkun í höfninni árin 2019-2021 tók í gildi þann 1. mars.

Viðræður eru í gangi milli Vestmannaeyjabæjar og Vegagerðarinnar um viðauka við þjónustusamning milli bæjarfélagsins og stofnunarinnar. Viðaukann þarf að gera vegna seinkunar á afhendingu nýrrar Vestmannaeyjaferju, en hún átti upphaflega að koma í október sl. Meðal annars þarf að gera breytingar á dagsetningum upphafs og endis þjónustusamningsins.

Viðræður um fyrirkomulag og forræði á gamla Herjólfi standa yfir milli Vegagerðarinnar og Vestmannaeyjabæjar/Herjólfs ohf., þar sem til stendur að staðsetja gamla Herjólf í Vestmannaeyjum.

Nýja Vestmannaeyjaferjan hefur verið í sjóprófum undanfarin misseri og eru vegamálastjóri og sérfræðingar úr Vegagerðinni nú stödd í Póllandi til að ganga frá ýmsum lausum endum í tengslum við nýja ferju og afhendingu hennar. Fljótlega mun skýrast hvenær ferjan er væntanleg. Vestmannaeyjaferjan Herjólfur ohf., mun taka við rekstri Herjólfs 30. mars nk.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.