Húsnæðismál fatlaðs fólks

Styttist í að framkvæmdir við nýjar þjónustuíbúðir hefjist

1.Mars'19 | 06:57
Strandvegur_tillaga_2016

Tölvugerð mynd af útliti hússins.

Jón Pétursson, framkvæmdastjóri kynnti stöðuna í húsnæðismálum fatlaðs fólks á síðasta fundi fjölskyldu- og tómstundaráðs. Í bókun ráðsins segir að ráðið fagni því að nú styttist í að framkvæmdir við nýjar þjónustuíbúðir fari að hefjast. 

Ráðið fagnar því einnig að með tilkomu nýs þjónustukjarna fjölgi íbúðum þess ásamt því að almennum íbúðum fyrir fatlaða og öryrkja muni fjölga.

Jón segir í samtali við Eyjar.net að hann hafi farið yfir með nýju fólki í ráðinu framkvæmdirnar í Ísfélagshúsinu þ.e. nýju þjónustuíbúðirnar og upplýsa þau um fjölgun leiguíbúða fyrir fatlaða og öryrkja.

„Nýju þjónustuíbúðirnar á Strandvegi 26 verða sjö í stað þeirra fimm sem eru nú á Vestmannabraut 58. Þjónustuíbúðirnar á Vestmannabrautinni leggjast af í þeirri mynd sem er í dag og verða í staðin leiguíbúðir fyrir öryrkja og fatlaða.

Öryrkjabandalagið á húsnæðið og hugmynd hefur verið að bæta janvel við sjöttu leiguíbúðinni við þar. Samtals verða þetta því 12 – 13 íbúðir. Að auki verða þrjár félagslegar leiguíbúðir til viðbótar á Strandveginum sem eyrnarmerktar eru fötluðum. Íbúðir fyrir fatlaða verða því samtals um 15 – 16 íbúðir auk þess sem það verður skammtímavistunarherbergi í þjónustukjarnanaum á Strandvegi 26.” segir Jón

Hann segir að þessi fjölgun íbúða kalli á endurskoðun á stoðþjónustu þ.e. heimaþjónustu fyrir fatlað fólk í búsetu. „Í dag eru um 47 fatlaðir fullorðnir einstaklingar í þjónustu hjá Vestmannaeyjabæ. Tólf þeirra eru í eignaríbúðum, tuttugu heima hjá aðstandendum og aðrir í leiguíbúðum eða stofnunum. Vestmannaeyjabær hefur gert mat á öllum þjónustuþegum um hvers konar búsetuþörf þeir hafa og kemur í ljós að flestir geta búið í sjálfstæðri búsetu með mis mikið eftirlit og þjónustuþörf. Þjónustuíbúðirnar á Strandvegi 26 mætir þeim sem þurfa stöðugt eftirlit.”

 

Bók Bjarna í Bónus

2.Desember'19

Nú er hægt að kaupa bók Bjarna Jónassonar „Að duga eða drepast” í Bónus, Vestmannaeyjum. Að duga eða drepast lýsir lífshlaupi Bjarna Jónassonar, flugmanns og útvarpsstjóra í Vestmannaeyjum.

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%