Skólaverkefni Listasafns ASÍ í Eyjum

1.Mars'19 | 13:17

Ljósmyndir/aðsendar

Síðastliðinn þriðjudag og miðvikudag komu fulltrúar Listasafns ASÍ til Eyja með skólaverkefni sitt. Skólaverkefni Listasafns ASÍ hafa verið haldin á þremur stöðum það sem af er.

Fyrst í október 2017 í Lækjarskóla í Hafnarfirði og í desember í Seyðisfjarðarskóla og í júlí sl. á Blönduósi í tengslum við sýningu Sigurðar Guðjónssonar. Kennarar hafa verið Ragnheiður Gestsdóttir myndlistarmaður og kvikmyndagerðarkona, Sigrún Jónsdóttir tónskáld og Kolbeinn Hugi Höskuldsson myndlistar- og tónlistarmaður. Anna Kolfinna Kuran danshöfundur kenndi hins vegar námskeiðið í Eyjum.

Síðasta sýningarhelgi UNIVERSAL SUGAR

Skólaverkefnið var skipulagt í tengslum við sýningar á verkum Hildigunnar Birgisdóttur í Vestmannaeyjum og í Garðabæ, en um helgina er síðasti sjéns til að bera þá sýningu augum. Sýningin UNIVERSAL SUGAR er á Höfðavegi 11 (gengið inn að vestanverðu) og verður opið um helgina en þar tekur Ásgeir Hjaltalín á móti gestum bæði laugardag og sunnudag milli kl. 14 -17.

Fleiri myndir frá sýningunni í GRV má sjá hér að neðan.