Fréttatilkynning:

Hvetja bæjarfulltrúa Sjálfstæðisflokksins til að halda áfram á braut góðra verka

28.Febrúar'19 | 06:34

Aðalfundir Sjálfstæðisfélagsins í Vestmannaeyjum og fulltrúaráðs Sjálfstæðisfélaganna í Vestmannaeyjum voru haldnir í gærkvöldi. Prýðis mæting var á fundina en á þá mættu á fimmta tug félaga. Á dagskrá voru venjuleg aðalfundarstörf þar sem m.a. voru kjörnar stjórnir félaganna.

Stjórn Sjálfstæðisfélags Vestmannaeyja skipa:

Páll Marvin Jónsson formaður, Andrea Guðjóns Jónasdóttir, Sindri Ólafsson, Kolbrún Kjartansdóttir og Rut Haraldsdóttir.

Stjórn Fulltrúaráðs Sjálfstæðisfélaganna í Vestmannaeyjum skipa:

Jarl Sigurgeirsson formaður, Silja Rós Guðjónsdóttir, Sigurjón Örn Lárusson, Páll Marvin Jónsson (formaður Sjálfstæðisfélagsins) og Ragnheiður Perla Hjaltadóttir (formaður Eyverja)

Stjórnirnar tvær funda ávallt saman sem ein stjórn. Þær munu fljótlega hittast og skipta með sér verkum. Á fundi Sjálfstæðisfélagsins var einróma samþykkt eftirfarandi ályktun sem beint er til bæjarfulltrúa Sjálfstæðismanna:

,,Það er ánægjulegt að fylgjast með og verða vitni að því hvernig hin góðu verk og ákvarðanir Sjálfstæðismanna síðustu kjörtímabila verða að veruleika.

Uppbygging Fiskiðjunnar er þar gott dæmi um eitt mesta framfaraskref í fegrun bæjarins, auðgunar mannlífs og viðbót atvinnutækifæra. Allur sá rekstur sem því húsi tengist og ótrúleg ásýndarbreyting svæðisins er til fyrirmyndar.

Yfirtaka bæjarins á rekstri Herjólfs og smíði nýrrar ferju samhliða því er arfleifð sem við erum stolt af að hafa komið til leiðar.

Aðgerðir í þágu barnafjölskyldna svo sem heimagreiðslur, lækkun leikskólagjalda, bygging og endurbætur leikskóla, fleiri inntökutímabil, uppbygging skólalóða, frístundastyrkur og margt fleira er ánægjuefni. Sérlega er ánægjulegt að sjá að tillögur sjálfstæðismanna, um viðbyggingu við Hamarsskóla sem gefa tækifæri á því að sameina undir einu þaki yngri deild grunnskóla, Tónlistarskóla, fimm ára deild og frístundaheimili, hafi fengið jákvæðar undirtektir og séu komnar í ferli.

Viðbyggingar við Hraunbúðir, endurskipulagning á húsnæði, aðstaða eldri borgara í Kviku og lengi mætti telja aðgerðir í þágu eldri borgara.

Aðalfundur Sjálfstæðisfélagsins hvetur bæjarfulltrúa Sjálfstæðisflokksins til að halda áfram á braut góðra verka. Það er mikilvægt að sá mikli kraftur sem í grasrót flokksins býr og drífur áfram flokksstarfið nái að skila sér í bættum hag bæjarbúa hér eftir sem áður fyrr.“

 

Aðalfundur fulltrúaráðs tók einnig undir og samþykkti ályktunina samhljóða.

Á fundunum kom fram að mikil gróska er í starfi Sjálfstæðisfélagsins og fulltrúaráðs. Félögin eru lifandi og voru fjöldamargir viðburðir á dagskrá síðasta starfsárs. Stefnan er að svo verði áfram. Grasrót félaganna er virk og hefur staðið dyggilega við bak bæjarfulltrúa sinna m.a. með sameiginlegum fundum félaga og kjörinna fulltrúa. Stiklað var á stóru í viðburðum síðasta starfsárs sem var óvenju viðburðarríkt. Það var gott hljóð í fundarmönnum þar sem léttleiki og  bjartsýni ríkti meðal manna.

 

Stjórnir Sjálfstæðisfélags Vestmannaeyja og fulltrúaráðs Sjálfstæðisfélaganna í Vestmannaeyjum.

 

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Tilboð á gistingu á Brú Guesthouse

21.Ágúst'20

Brú Guesthouse býður tilboð á gistingu á til áramóta. Gisting í smáhýsi fyrir 2.  9.900,- kr. nóttin. 2.000 kr fyrir auka gest. Húsin rúma 4 gesti. 
Stærra hús 12.900 kr. nóttin og 2.000 fyrir auka gest. Upplýsingar á Info@bruguesthouse eða í síma 659-4005.
 

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-