Loðnuvonir að fjara út

21.Febrúar'19 | 11:22
Lodna jan 2014

Enn hefur ekki fundist nægilegt magn loðnu til að réttlæta megi loðnuveiði. Mynd/úr safni

Hafrannsóknastofnun er með fimm skip á sínum snærum að leita loðnu fyrir norðan land. Enn hefur ekki fundist nægilegt magn til að réttlæta megi loðnuveiði á þessari vertíð.

„Við erum bæði að leita með landgrunnsbrúninni fyrir norðan land og svo eru tvö skip að leita á grunnslóð líka,“ segir Birkir Bárðarson fiskifræðingur á Hafró. „Skipin eru komin á svæðið vestur af Sléttu og það hefur ekki mikið magn sést þarna ennþá. Árni Friðriksson kastaði á loðnu norðvestur af Sléttu og það var kynþroska loðna, en magnið var ekki mikið.“

Þar með dvína ört þær veiku vonir sem enn lifðu um loðnuveiði í vetur. Þessi yfirferð fyrir norðan land átti að vera úrslitatilraunin og henni lýkur væntanlega núna fyrir helgi, segir í frétt á vefsíðu Fiskifrétta.

„Ætli við látum ekki gott heita að því búnu,“ sagði Birkir, en tók þó fram að ákvörðun um framhald verði ekki tekin fyrr en yfirferðinni fyrir norðan land er lokið. „Það var samt helsta vonin að eitthvað væri gengið inn á svæðið fyrir norðan land núna.“

Auk Árna Friðrikssonar eru Polar Amaroq og Halldór Ásgrímsson á svæðinu norður og norðvestur af Melrakkasléttu. Þá hafa tvö norsk skip tekið þátt í leitinni, Roaldsen og Åkeroy. Roaldsen er enn hér við land en Åkeroy er haldin á brott.

Mannlíf og saga - hlaðvarp

2.Mars'21

Fylgstu með hlaðvarpinu Mannlíf og saga. Hlaðvarpsþættirnir eru aðgengilegir hér á Eyjar.net og einnig á helstu veitum, svo sem Spotify. Sjá nánar hér...

Má bjóða þér að auglýsa hér?

23.Júní'22

Hér má auglýsa allt milli himins og jarðar! Sendu línu á [email protected] og saman finnum við lausn sem hentar þér.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).