Nýr Herjólfur í prufusiglingu í allan dag

20.Febrúar'19 | 21:31
IMG_3487

Nýr Herjólfur. Ljósmynd/aðsend.

Nýr Herjólfur hélt í prufusiglingu milli klukkan 6 og 7 í morgun og stendur túrinn enn þegar þessi frétt er skrifuð. Um tíu Íslendingar eru nú staddir í Póllandi þar sem þeir fylgjast með siglingarprófunum á nýja Herjólfi næstu daga. 

Andrés Sigurðsson, sem á sæti í smíðanefnd fyrir hönd Vestmannaeyjabæjar, er í hópi Íslendinganna sem eru nú um borð í skipinu. Með þeim eru um fjörutíu pólskir skipverjar.

„Það var farið út snemma í morgun og verður allur búnaður skipsins prófaður næstu daga. Svo þarf að sinna því sem kemur upp. Það eru alltaf einhverjir hnökrar sem koma upp,“ segir Andrés í samtali við Vísi.is nú í kvöld.

En hvernig reynist skipið?

„Það er mjög stöðugt. Það á eftir að koma fólki á óvart hvað það er stöðugt. Við höfum ekki lent í neinni brælu, en það er um fimmtán metra vindur. Maður finnur að það er mjög stöðugt. Við eigum eftir að keyra á veltiuggum, en þeir eru að beygja skarpt á fullri ferð. Það leggst ekki á hliða eins og á gamla Herjólfi. Svo er skipið virkilega flott,“ segir Andrés.

Hann segir að eins og staðan sé í dag virðist sem að áætlunin um að skipið hefji siglingar milli lands og Eyja þann 30. mars. Eigi hann von á að Herjólfur verði komið til Íslands upp úr miðjum næsta mánuði, en ferjan hefur verið í smíðum hjá skipasmíðastöðinni Crist S.A. í Gdynia í Póllandi, segir enn fremur í fréttinni á Vísi.is.

Hér að neðan má sjá siglingu ferjunnar síðan hún hélt úr höfn.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.