Fyrsti hluti Sæheima opnar eftir tæpan mánuð

Um sextíu iðnaðarmenn keppast að því að klára safnið

- unnið er alla daga vikunnar fram á kvöld við framkvæmdir við nýtt sædýra- og fuglasafn og gríðarstóra hvalalaug

17.Febrúar'19 | 09:51
IMG_8713

Hvalalaugin er engin smásmíði. Hún þarf þrefalt meira magn en í sundlaugina í Eyjum. Ljósmyndir/TMS

Þann 14. mars næstkomandi á að opna Sæheima í Fiskiðjunni. Í byrjun apríl er svo áætlað að mjaldrarnir komi til Eyja og þá eiga þeirra nýju heimkynni að vera tilbúin. Ritstjóri Eyjar.net fór í fylgd Braga Magnússonar verkfræðings hjá Mannviti í gegnum húsið.

Bragi hefur yfirmsjón með byggingu safnsins sem er að hluta til í gömlu Fiskiðjunni. Hann segir að nú starfi allt að 60 iðnaðarmenn í húsinu og er unnið alla daga vikunnar. Þar af eru 14 Bretar sem vinna við að koma upp búrunum og tæknibúnaði við safnið.

Þrisvar sinnum meira vatn en er í Sundlaug Vestmannaeyja

,,14. mars opna þeir safnið og svo eru hvalirnir væntanlegir til landsins í byrjun apríl.” segir Bragi. Búrið undir mjaldrana er engin smásmíði. Það tekur 1600M3 af sjó og til að setja það í samhengi er það þrisvar sinnum meira vatn en er í Sundlaug Vestmannaeyja.

Hann segir að alls verði búrin 13 og svo stóra hvalalaugin. Af þessum 13 búrum eru 4 áætluð undir lunda. Til marks um hve flókin þessi framkvæmd er þá eru alls 6 loftræstikerfi í húsinu, svo hægt sé að stilla af hvert rými fyrir sig.

Sea Life Trust greiðir fyrir allar þessar framkvæmdir

Bragi segir að framkvæmdunum eigi að ljúka í sumar. ,,Þetta hefur gengið mjög vel, og er í raun allt á áætlun. Svo er rétt að ítreka það að Sea Life Trust greiðir fyrir allar þessar framkvæmdir.”

Aðspurður segir Bragi að ef verkefni gangi vel þá sé vel hugsanlegt að mjöldrunum eigi eftir að fjölga. ,,Það eru 300 mjaldrar í sýningarbúrum víða um heim. Þeir geta haft allt uppí 10 mjaldra í einu útí Klettsvík. Það er engin spurning að þrýstingurinn eykst á aðra um að koma þeirra hvölum í betra umhverfi“.

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).