Bæjarráð bókar um dýpkunarmál í Landeyjahöfn:

Erfitt verði fyrir Vegagerðina að efna þau fyrirheit sem gefin voru

- bæjarráð leggur áherslu á að Vegagerðin hefji undirbúning að dýpkun fyrir næsta vetur, á tímabilinu 15. nóvember til 1. mars, sem núverandi samningur um dýpkun nær ekki yfir

12.Febrúar'19 | 12:49
IMG_2138

Einhver bið verður á því að Herjólfur nái að sigla í Landeyjahöfn. Ljósmynd/TMS

Bæjarráð Vestmannaeyja kom saman í hádeginu í dag til þess að ræða stöðuna sem upp er komin varðandi dýpkun í Landeyjahöfn. 

Í bókun ráðsins segir að bæjarráð Vestmannaeyja lýsi áhyggjum af þeirri stöðu sem upp er komin hjá Vegagerðinni og varðar dýpkun í Landeyjahöfn.

Svo virðist sem erfitt verði fyrir Vegagerðina að efna þau fyrirheit sem gefin voru um dýpkunina í höfninni í febrúar. Öllum tilboðum sem bárust um framkvæmdina var hafnað fyrir þó nokkru síðan, en ekki er enn búið að finna lausn á því hvernig staðið verði að dýpkuninni. Það er hverjum manni ljóst að ljúka þarf dýpkun Landeyjahafnar áður en siglingar á nýrri ferju hefjast milli lands og Eyja í mars næstkomandi.

Þá segir í bókuninni að bæjarráð ítreki að fundin verði lausn á þessu í samráði við tiltæka aðila um að dýpkanir verði hafnar eins skjótt og auðið er. Jafnframt leggur bæjarráð áherslu á að Vegagerðin hefji undirbúning að dýpkun fyrir næsta vetur, á tímabilinu 15. nóvember til 1. mars, sem núverandi samningur um dýpkun nær ekki yfir. Verði það gert tímanlega þannig að óvissu um dýpkun næsta vetur verði eytt og þessi staða endurtaki sig ekki að ári liðnu.

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%