Sigurður sendur í leyfi hjá Vegagerðinni

8.Febrúar'19 | 13:35
sigurdur_ass_ruv

Sigurður Áss Grétarsson. Skjáskot/ruv.is

Sigurður Áss Grétarsson, framkvæmdastjóri siglingasviðs hjá Vegagerðinni, hefur verið sendur í leyfi frá störfum. Samstarfsmönnum hans var tilkynnt um ákvörðunina í gær.

Vísir.is greindi fyrst frá og samkvæmt heimildum þeirra snýr málið að samskiptavanda innan Vegagerðarinnar sem hefur verið til skoðunar.

G. Pétur Matthíasson, upplýsingafulltrúi Vegagerðarinnar, gat í samtali við fréttastofu ekki gefið upp hvað fyrirhugað sé að Sigurður verði lengi frá störfum. Hann reiknaði þó ekki með því að það yrði í mjög langan tíma. Málið sé viðkvæmt en stofnunin hafi notið liðsinnis utanaðkomandi sérfræðinga við úrvinnslu þess.

Fréttastofa beindi jafnframt fyrirspurnum til Bergþóru Þorkelsdóttur, forstjóra Vegagerðarinnar, og Sigurðar Áss vegna ákvörðunarinnar. Hvorugt vildi tjá sig nánar.

Sigurður Áss er verkfræðingur að mennt og hefur til dæmis verið áberandi í umfjöllun fjölmiðla um málefni Landeyjahafnar og nýs Herjólfs. Áður en Sigurður hóf störf hjá Vegagerðinni gegndi hann stöðu forstöðumanns hafnasviðs Siglingastofnunar. Hann var jafnframt meðal þeirra 25 einstaklinga sem sóttu um stöðu forstjóra Vegagerðarinnar um mitt síðasta ár.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Bók Bjarna í Bónus

2.Desember'19

Nú er hægt að kaupa bók Bjarna Jónassonar „Að duga eða drepast” í Bónus, Vestmannaeyjum. Að duga eða drepast lýsir lífshlaupi Bjarna Jónassonar, flugmanns og útvarpsstjóra í Vestmannaeyjum.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-