Deiliskipulag í Áshamri samþykkt

Á fundi umhverfis- og skipulagsráðs í síðustu viku var tekin fyrir tillaga af deiliskipulagi í Áshamri. Tillagan gerir ráð fyrir rað-, par- og fjölbýlishúsalóðum á óbyggðu svæði innan íbúðarsvæðis ÍB-4. 

Skipulagssvæðið afmarkast af Goðahrauni í vestri, deiliskipulagsmörkum íþróttasvæðis, deiliskipulagsmörkum Bessahrauns 1-15 í austri og lóðamörkum Hamarsskóla í norðri. Skipulagið er unnið af skipulagshönnuðum Alta ehf.
 
Skipulagsráð lagði til við bæjarstjórn að tillagan verði auglýst skv. 1. mgr. 43. gr. skipulagslaga nr. 123/2010. Málinu var vísað til afgreiðslu bæjarstjórnar, sem samþykkti það samhljóða.

Hér má sjá nýtt deiliskipulag fyrir svæðið.