Nýtt athafnasvæði skipulagt norðan flugvallar

Sigurður Smári Benónýsson, skipulags- og byggingarfulltrúi Vestmannaeyjabæjar segir að ákveðið hafi verið að hefja skipulagsvinnu á nýju athafnasvæði norðan flugvallar, við Dali. Um er að ræða athafnasvæði sem er svipað að flatarmáli en athafnasvæðið við Flatir.

Í skipulagsákvæði segir: Nýtt athafnasvæði fyrir blandaða atvinnustarfsemi: léttan iðnað, hreinleg verkstæði, umboðs- og heildverslanir, skrifstofur, vörugeymslur, rannsóknarhús, veitustarfsemi og aðra starfsemi þar sem lítil hætta er á mengun. Stuðlað skal að aðlaðandi ásýnd svæðisins og áhersla lögð á að umhverfisfrágangur verði vandaður með tilliti til hreinlætis, frágangs og hávaða.

Athafnasvæðið sem um ræðir er merkt AT-3 á mynd.