830 milljónir í rafvæðingu Herjólfs

29.Janúar'19 | 07:23
DSCN9056

Nýr Herjólfur er væntanlegur hingað til lands í mars. Ljósmynd/aðsend

Samþykkt hefur verið 830 milljóna fjárveiting til að greiða fyrir stærri rafgeyma í nýja Vestmannaeyjaferju og tengibúnað fyrir hleðslu þeirra úr landi, svo sigla megi ferjunni milli lands og Eyja á rafmagni eingöngu. 

Þetta kemur fram í minnisblaði Samgöngu- og sveitarstjórnarráðuneytis til Umhverfis- og samgöngunefndar Alþingis, og greint er frá á vef Ríkisútvarpsins.
 
Í minnisblaðinu segir að nýr Herjólfur hafi upphaflega verið hannaður sem tvinn-ferja. Rafmótorar knýja skrúfur skipsins, en ætlunin var að raforkan kæmi frá tiltölulega litlum rafgeymum sem dísilknúnar rafstöðvar ferjunnar myndu hlaða. Hins vegar var gert ráð fyrir auka rými í ferjunni, svo hægt væri að setja í hana fleiri og stærri rafgeyma síðar meir, sem þá yrði hægt að hlaða með frá landi með þar til  gerðum búnaði.

Fram kemur að verð á rafgeymum hafi lækkað hratt að undanförnu, og eins og greint hefur verið frá í fréttum gerði skipastöðin Vegagerðinni tilboð snemma árs 2018 um að ljúka þessari rafvæðingu hins nýja Herjólfs áður en hann verður afhentur.

Áætlað er að kostnaðurinn við stærri rafgeyma, hleðslubúnað og uppsetningu hans í Landeyjahöfn og Vestmannayjum nemi um 830 milljónum króna. Gert gert ráð fyrir að vegna minni orkukostnaðar verði geymarnir og hleðslubúnaðurinn farin að skila beinum fjárhagslegum ávinningi innan tíu ára. Ef ráðist yrði í breytingarnar síðar, eins og upphaflega var ætlunin, yrði kostnaðurinn meiri, segir í minnisblaðinu, auk þess sem taka þyrfti ferjuna úr notkun á meðan unnið væri að breytingunum. Því var ákveðið að fara í verkefnið.

Er það meðal annars gert með vísun til sáttmála ríkisstjórnarinnar um stefnu í loftslagsmálum, þar sem meðal annars er kveðið á um orkuskipti í ferjum.  

 

Ruv.is

Tags

Herjólfur

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).