Deiliskipulag í Kleifahrauni

Fallist á athugasemdir að hálfu leyti

28.Janúar'19 | 08:17
IMG_1912

Kleifahraun er fyrir miðju á þessari mynd. Ljósmynd/TMS

Skipulagsbreyting á deiliskipulagi í Kleifahrauni var tekið fyrir á síðasta fundi umhverfis- og skipulagsráðs Vestmannaeyjabæjar. Í fundargerð segir að lokinni grenndarkynningu skv. 2. mgr. 43. gr. Skipulagslaga nr. 123/2010 er lögð fram að nýju breytingartillaga deiliskipulags. 

Tillagan fjallar um óskir lóðarhafa Kleifahrauni 5 og 9 um leyfi til að breyta byggingarskilmálum lóða og byggja á lóðunum parhús í stað raðhúsa. Samanlagður gólfflötur parhúsa er áætlaður liðlega 300 m2 og nýtingarhlutfall 0.38 til 0.42. Miðað er við tvö bílastæði á íbúð innan lóðar. Erindið var sent til grenndarkynningar sbr. ákvæði skipulagslaga. Eitt bréf með athugasemdum barst ráðinu á kynningartíma.
 
Niðurstaða málsins er að ráðið tekur undir sjónarmið bréfritara um að halda í raðhúsareiti beggja megin við nyrsta botnlangan í Kleifahrauni og getur því ekki orðið við erindi lóðarhafa lóðar nr. 9. varðar umsóttar breytingar. Ráðið samþykkir að öðru leyti þær breytingar sem kynntar hafa verið á lóð nr. 5 og felur skipulagsfulltrúa framgang erindis.
 
Málinu var vísað til afgreiðslu bæjarstjórnar.
 

Mannlíf og saga - hlaðvarp

2.Mars'21

Fylgstu með hlaðvarpinu Mannlíf og saga. Nýr þáttur kemur út á hverjum fimmtudegi og er hlaðvarpið aðgengilegt hér á Eyjar.net og einnig á helstu veitum, svo sem Spotify. Sjá nánar hér...

Má bjóða þér að auglýsa hér?

23.Júní'22

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.