46 ár frá upphafi gossins á Heimaey

23.Janúar'19 | 15:29
gosid_sigurgeir_j

Ljósmynd/Sigurgeir Jónasson

Í yfir 1.000 ára sögu Vestmannaeyja skipar dagurinn í dag ævarandi sess. Þennan dag eru rétt 46 ár frá upphafi fyrsta eldgoss í byggð á Íslandi, þegar skyndilega fór að gjósa á Heimaey, eitthvað sem engum hafði látið sér detta í hug að gæti gerst. 

Sagt er að gosið hafi hafist laust fyrir kl. 2 um nóttina en strax þá og morguninn eftir yfirgáfu flestir íbúar eyjuna. Um 250-300 manns urðu eftir til að sinna björgunarstörfum og öðru sem huga þurfti að.  

Einn af þeim sem varð eftir var Sigurgeir Jónasson ljósmyndari og hér má eina af fyrstu myndum hans af gosinu. Fyrir kynslóðirnar sem upplifðu gosið þarf ekki að hafa mörg orð, því minningin um gosið hverfur aldrei,en nú eru komnar nýjar kynslóðir, einstaklingar sem annað hvort voru of ungir til að muna eða ófæddir. Það er ótrúlegt til þess að hugsa að strax í ágúst sama ár og gosinu, lauk byrjuðu fjölskyldurnar að koma aftur heim og fyrir áramót 1973 höfðu yfir 2.000 manns snúið aftur. Seiglan og ástríðan til að eiga búsetu í Eyjum og standa af sér erfiðleika, er engu lík, segir í frétt á vefsvæði Vestmannaeyjabæjar.
 

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.