Öllum tilboðum hafnað í febrúardýpkun

17.Janúar'19 | 12:59
galilei_a_milli_garda

Galilei 2000 dýpkar hér á milli garða í Landeyjahöfn. Ljósmynd/TMS

Vegagerðin hefur hafnað öllum tilboðum í svokallaða febrúar-dýpkun Landeyjahafnar. Dýpkunarmagnið sem boðið var út var 100.000 m³ og var kostnaðaráætlun Vegagerðarinnar uppá 130 milljónir króna.

„Öllum tilboðum hafnað á grundvelli þess að tilboð eru yfir kostnaðaráætlun og sum þeirra uppfylltu ekki kröfur útboðsgagna um afkastagetu.” segir Sigurður Áss Grétarsson, framkvæmdastjóri siglingasviðs Vegagerðarinnar í samtali við Eyjar.net.

Fyrirtækið Björgun átti lægsta boð uppá tæpar 135 milljónir. Næst lægst bauð danska fyrirtækið Rohde Nilsen, en tilboð þeirra hljóðaði uppá tæplega 173 milljónir. Hæsta tilboðið kom frá Jan De Nul, sem bauð tæpar 220 milljónir í verkið.

Skilyrði um afköst uppá 12.000 m3 á sólarhring miðað við 1,4 m ölduhæð var sett inní skilmála útboðsins. Í svörum Vegagerðarinnar til Eyjar.net fyrr í mánuðinum sagði enn fremur að til samanburðar þá séu þetta ívið meiri afköst en Galilei 2000 hefur við þessa ölduhæð.

Ekki fékkst uppgefið hjá Vegagerðinni hvort hætt hafi verið við febrúar-dýpkunina eða hvort bjóða eigi verkið aftur út, en seinni valkosturinn verður þó að teljast ólíklegur þar sem stuttur tími er til stefnu.

 

Lumar þú á grein?

11.Janúar'19

Endilega sendu okkur hana á eyjar@eyjar.net. Eyjar.net - fyrir alla. 

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Tilboð á gistingu á Brú Guesthouse

21.Ágúst'20

Brú Guesthouse býður tilboð á gistingu á til áramóta. Gisting í smáhýsi fyrir 2.  9.900,- kr. nóttin. 2.000 kr fyrir auka gest. Húsin rúma 4 gesti. 
Stærra hús 12.900 kr. nóttin og 2.000 fyrir auka gest. Upplýsingar á Info@bruguesthouse eða í síma 659-4005.
 

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.