Starfshópur um framtíðarskipan ferðamála í Vestmannaeyjum

Telja stjórnun ferðamála Vestmannaeyjabæjar best borgið í höndum hagsmunaaðila

16.Janúar'19 | 06:51
ferdamamenn_skilt

Ferðamenn virða fyrir sér Heimaey. Ljósmynd/TMS

Á fundi bæjarráðs Vestmannaeyja fyrr í vikunni var farið yfir niðurstöður samráðshóps um framtíðarskipan ferðamála í Vestmannaeyjum frá fundi hópsins sem haldinn var þann 28. nóvember sl. 

Þar kom fram að fundarmenn hefðu verið sammála um að stjórnun ferðamála Vestmannaeyjabæjar væri best borgið í höndum hagsmunaaðila í ferðaþjónustu í Vestmannaeyjum. Jafnframt kom fram tillaga um að fulltrúar ferðaþjónustunnar taki að sér umsjón ferða- og markaðsmála á vegum bæjarins. Auk þess að skipuð verði sjóðsstjórn, sem tekur sameiginlega ákvarðanir um útgjöld til markaðsmála sem og annara aðgerða til framdráttar ferðaþjónustunnar. Að lokum kom fram að mikilvægt sé að hópurinn geti tekið til starfa sem allra fyrst. 

Bæjarráð fjallaði um fyrirhugaða samninga við Þekkingarsetur Vestmannaeyja um rekstur Sagnheima og Sæheima. Auk þess fjallaði bæjarráð um tillögu Þekkingarsetursins um áframhaldandi samkomulag við Vestmannaeyjabæ um eflingu ferðaþjónustu í Vestmannaeyjum.

Bæjarráð samþykkti tillögu samráðshóps

Í niðurstöðu ráðsins segir að bæjarráð feli bæjarstjóra að ljúka við gerð samnings við Þekkingarsetur Vestmannaeyja um rekstur Sagnheima og Sæheima. Bæjarráð samþykkir tillögu samráðshóps um framtíðarskipan ferðamála í Vestmannaeyjum, um að breyta fyrirkomulagi á skipulagi ferðamála í samræmi við niðurstöðu starfshópsins.

Skipuð verður þriggja manna stjórn sem tekur ákvörðun um útgjöld til markaðsmála sem og annarra aðgerða til framdráttar ferðaþjónustunnar. Óskað verður eftir tilnefningum um tvo fulltrúa frá ferðaþjónustunni, en ákveðið er að framkvæmdastjóri stjórnsýslu- og fjármálasviðs verði fulltrúi Vestmannaeyjabæjar í stjórninni og jafnframt formaður hennar. Framkvæmdastjóra stjórnsýslu- og fjármálasviðs og fjármálastjóra verður falið að gera drög að samkomulagi við samtök ferðaþjónustunnar um fyrirkomulag úthlutunar og framkvæmd verkefnsins. 

Bæjarráð þakkar samráðshópi um framtíðarskipan ferðamála fyrir góða vinnu, en óskar eftir að hann starfi áfram og verði stjórninni til ráðgjafar um málefni ferðaþjónustunnar.

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).