Yfirlýsing bæjarráðs vegna stöðunnar sem upp er komin í flugsamgöngum við Vestmannaeyjar

Isavia og Ernir hvött til að finna lausn

16.Janúar'19 | 17:51
ernir_vestmannaeyjaflugvollur

Vél Flugfélagsins Ernis á Vestmannaeyjaflugvelli. Ljósmynd/TMS

Bæjarráð Vestmannaeyja hittist á óformlegum fundi í dag til þess að ræða þá stöðu sem upp er komin í tengslum við flugsamgöngur við Vestmannaeyjar og greint hefur verið frá í fjölmiðlum.

Bæjarráð lýsir þungum áhyggjum af stöðunni. Ef ekki verður fundin lausn á henni munu áhrifin óhjákvæmilega fela í sér skerðingu á þjónustu við Vestmannaeyjar. Því undirstrikar bæjarrráð mikilvægi þess að viðhalda núverandi flugþjónustu við Vestmannaeyjar. Isavia og Flugfélagið Ernir eru hvött til að finna lausn á stöðunni, segir í tilkynningunni sem Íris Róbertsdóttir, bæjarstjóri skrifar undir.

Eins og greint hefur verið frá undanfarna daga er rekstur Ernis þungur um þessar mundir og var stærsta vél flugfélagsins kyrrsett í síðustu viku. Í kjölfarið greindi forstjóri flugfélagsins frá því að fara þyrfti í endurskipulagningu á rekstri félagsins og fækka þyrfti ferðum til einhverra áfangastaða, m.a til Vestmannaeyja.

 

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Mannlíf og saga - hlaðvarp

2.Mars'21

Fylgstu með hlaðvarpinu Mannlíf og saga. Nýr þáttur kemur út á hverjum fimmtudegi og er hlaðvarpið aðgengilegt hér á Eyjar.net og einnig á helstu veitum, svo sem Spotify. Sjá nánar hér...

Má bjóða þér að auglýsa hér?

23.Júní'22

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.