Bæjarráð:

Samþykkja heildarúttekt á áætluðum kostnaði og heildarkostnaði vegna framkvæmda við Fiskiðjuna

14.Janúar'19 | 15:29
fiskidj_18

Fiskiðjan. Ljósmynd/TMS

Á fundi bæjarráðs Vestmannaeyja sem haldinn var í dag var umræða um úttekt á framkvæmdum á vegum bæjarins. 

Í ljósi umræðna um áætlanir og framkvæmdaskostnað við Fiskiðjuna tekur bæjarráð málið til umfjöllunar.

Kostnaðaráætlun vegna utanhússframkvæmda við Fiskiðjuna sem lögð var fyrir framkvæmda- og hafnarráð 15. júlí 2015, hljóðaði upp á kr. 167.787.000. Ljóst er að heildarkostnaður vegna einstakra verkþátta framkvæmda við Fiskiðjuna er töluvert hærri en upphaflegar áætlanir gerðu ráð fyrir. 

Bæjarráð samþykkir að fela endurskoðendum reikninga bæjarins (KPMG) heildarúttekt á áætluðum kostnaði og heildarkostnaði vegna framkvæmda við Fiskiðjuna á árunum 2015 til 2018, segi í bókun bæjarráðs og var málið samþykkt með tveimur atkvæðum E- og H- lista gegn einu atkvæði fulltrúa D-lista.

Bókað á víxl um málið

Trausti Hjaltason, fulltrúi Sjálfstæðisflokksins lagði fram eftirfarandi bókun: 

Komið hefur fram að framúrkeyrslan skýrist af því að klæða þurfti suðurhliðina vegna þess að Ísfélagið var rifið frá og kostnaður við förgun á sorpi sem var inni í húsinu var töluvert meiri en áætlað var. Bæði atriði sem ekki var hægt að komast hjá. Það verður hins vegar að teljast í besta falli óábyrgt af formanni bæjarráðs að fara í fjölmiðla með stórar yfirlýsingar tengdum fréttaflutningi af framkvæmdunum og að leita ekki fyrst skýringa og fá réttar tölur og ástæður fyrir framúrkeyrslunni, slíkt ætti að vera auðsótt fyrir formann bæjarráðs. 


Í bókun frá Njáli Ragnarssyni og Jónu Sigríði Guðmundsdóttur segir að meirihluti bæjarráðs ítreki mikilvægi vandaðrar áætlunargerðar. Gegnsæi upplýsinga er hornsteinn virks lýðræðis og í flókinni framkvæmd líkt og í Fiskiðjunni er mikilvægt að upplýsingar um kostnað opinberrar framkvæmdar sé opinn og aðgengilegur með skýrum hætti. 


Trausti Hjaltason lagði þá fram eftirfarandi bókun: 
Miklu máli skiptir að halda til haga að bókfærður kostnaður nýframkvæmda hússins er í dag er um 326 milljónir. Við það hafa skapast verðmæti og tækifæri sem hefðu ekki komið til öðruvísi en að leggja í framkvæmdir. Ber þar helst að nefna nýja Sæheima og miklar fjárfestingar af hálfu erlends fyrirtækis á fyrstu hæðinni. Önnur hæðin er öll í útleigu undir fjölbreytta atvinnu-, menningar- og menntastarfsemi. Á þriðju og fjórðu hæðinni eru síðan gert ráð fyrir íbúðum og væntanlegt framtíðarhúsnæði skrifstofa Vestmannaeyjabæjar. 
 

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Vilt þú ná til Eyjamanna?

28.Júní'17

Þá er Eyjar.net rétti staðurinn til þess. Sendu okkur línu á auglysingar@eyjar.net - og við aðstoðum þig að finna góða lausn fyrir þig og þitt fyrirtæki.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).