Cargolux-vél skreytt mjaldramyndum

9.Janúar'19 | 08:32
LX-ECV-BELUGA-1

Ljós­myndir/​Car­golux.com

Car­golux mun leggja til Boeing 747-400ERF-vöru­flutn­ingaþotu til að flytja tvo mjaldra í vor úr Chang­feng-sjáv­ar­dýrag­arðinum í Sj­ang­hæ í Kína til Kefla­vík­ur­flug­vall­ar. Búið er að skreyta þot­una sér­stak­lega í til­efni af ferðalagi hval­anna.

Búið verður um mjaldr­ana Litlu-Hvít og Litlu-Grá á sér­stök­um bör­um sem sniðnar eru að hvor­um hval fyr­ir sig. Bör­un­um verður komið fyr­ir í sér­smíðuðum flutn­ingagám­um áður en gám­arn­ir með hvöl­un­um í verða hífðir úr laug safns­ins. Mjöldr­un­um verður ekið fyrsta spöl­inn að Pu Dong-alþjóðaflug­vell­in­um þar sem þeim verður komið fyr­ir um borð í þotu Car­golux sem flýg­ur með þá til Íslands, segir í umfjöllun Morgunblaðsins í dag.

Flogið verður í ein­um áfanga en flug­leiðin er um 9.000 km og tek­ur flugið um tíu klukku­stund­ir. Hvöl­un­um verður svo ekið frá Kefla­vík í Land­eyja­höfn og þeir svo flutt­ir með Herjólfi til Vest­manna­eyja þar sem þeirra bíður at­hvarf. Það er fyrsta at­hvarf mjaldra í heim­in­um sem er fyr­ir opnu hafi. Verk­efnið þykir vera mjög krefj­andi og vanda­samt og alþjóðleg­ir sér­fræðing­ar í flutn­ingi lif­andi sjáv­ar­spen­dýra koma að und­ir­bún­ingn­um. Ferðalag hval­anna á að taka alls um einn sól­ar­hring, að því er fram kem­ur í til­kynn­ingu frá Car­golux og Sea Life Trust.

Auk farþeg­anna tveggja verða átta manns um borð í flug­vél­inni, sam­kvæmt upp­lýs­ing­um frá Car­golux. Þar af verða fjór­ir dýra­lækn­ar, einn full­trúi flug­fé­lags­ins og þrír flug­menn. Sam­tök­in Sea Life Trust, sem mörg sjáv­ar­dýra­söfn eiga aðild að, standa að flutn­ing­un­um ásamt Car­golux. Einnig koma sam­tök­in Whale and Dolp­hin Conservati­on að verk­efn­inu. Merl­in Entertain­ments styrk­ir verk­efnið.

Sjá umfjöllun um flutninginn á heimasíðu Cargolux.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Tilboð á gistingu á Brú Guesthouse

21.Ágúst'20

Brú Guesthouse býður tilboð á gistingu á til áramóta. Gisting í smáhýsi fyrir 2.  9.900,- kr. nóttin. 2.000 kr fyrir auka gest. Húsin rúma 4 gesti. 
Stærra hús 12.900 kr. nóttin og 2.000 fyrir auka gest. Upplýsingar á Info@bruguesthouse eða í síma 659-4005.
 

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.