Vestmannaeyjabær:

Kostnaður við Fiskiðjuna kominn í 600 milljónir

6.Janúar'19 | 11:36
fiskidj_18

Fiskiðjan. Ljósmynd/TMS

Vestmannaeyjabær hefur staðið í miklum framkvæmdum undanfarin ár í og við svokallað Fiskiðjuhús. Kostnaður sveitarfélagsins er nú kominn í rétt rúmar 600 milljónir og ekki er allt búið enn, þar sem eftir á að klára innanhússframkvæmdir á þriðju hæð hússins.

Ólafur Snorrason, framkvæmdastjóri umhverfis- og framkvæmdasviðs Vestmannaeyjabæjar segir í samtali við Eyjar.net að bókfærður kostnaður utanhússframkvæmda og aðgengis við Fiskiðjuna sé 326 milljónir.

Hann segir að kostnaður vegna fyrstu hæðar, þ.e. til að koma henni í leiguhæft ástand sé um 7,6 milljónir, en það varðar það sem Merlin Entertainment fór fram á að húseigandi myndi lagfæra, fyrir komu fyrirtækisins.

Þá segir Ólafur að áfallinn kostnaður vegna þriðju hæðar sé um 61 milljón. „Ekki er búið að fullhanna þriðju hæð og því ekki komin kostnaðaráætlun á verkið.” segir Ólafur.

Áður hafði Eyjar.net fjallað um að endanlegur kostnaður vegna innanhúsframkvæmdar á annari hæð Fiskiðjunnar hafi verið 210 milljónir. Til grundvallar þeirri framkvæmd lá leigusamningur við Þekkingarsetrið til 25 ára.

Sjá einnig: Innanhússframkvæmdin kostaði 210 milljónir

Fjórða hæð Fiskiðjunnar var seld og fékk Vestmannaeyjabær fyrir hana tæpar 43 milljónir. Þar er nú unnið að gerð íbúða.

 

Þessu tengt: Fiskiðjuframkvæmdin komin yfir 200 milljónir

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%