Meistaradeildin:

„Er ég sá minn old kantor oná Donald trampa”

29.Desember'18 | 20:49

Í gær greindum við frá því hér á Eyjar.net að Guðmundur H. Guðjónsson trampaði á Trump í Ameríku-ferð sinni. Sigurgeir Jónsson og Guðmundur halda alltaf góðu sambandi meðan hann dvelur erlendis, með ljóðabréfum sem þeir senda hvor öðrum með ákveðnu millibili.

Sigurgeir sendi honum þessa vísu þegar hann sá myndbandið í fyrsta sinn:

Um mig læddist óskavor

og að mér setti krampa

er ég sá minn old kantor

oná Donald trampa.

 

Og í gær fékk Sigurgeir svo svohljóðandi svar að utan:

„Ástæðan fyrir því að ég hoppaði á stjörnu Trumps var sú að þegar ég kom þar að var fullt af fólki allstaðar frá í kringum stjörnuna, sem var að gefa henni fingurinn og svo taka mynd af því. Mér fannst þetta máttlaus andúð og ekki segja neitt. Tók ég mig því til og hoppaði á stjörnunni nokkrum sinnum við mjög góðar undirtektir viðstaddra, og ég hafði gaman af.” sagði Guðmundur og klikti út með eftirfarandi ljóði:

Gekk um torgið grandalaus

á gangstétt frægra stjarna

en Donald Trump með tóman haus

tróð sér líka þarna,

rétt mér þótti strax að stoppa

á stjörnu Donalds til að hoppa.

 

Þá sendi Sigurgeir vísu vestur um haf í dag vegna allra þeirra kommenta sem safnast hafa á vefnum.

Hér að þér safnast orðin,

ad centemum,

nú frægur ertu orðinn

að endemum.

 

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is