Ísfélagið hyggur á frekari uppbyggingu við FES

19.Desember'18 | 07:01
fes

Fiskimjölsverksmiðja Ísfélags Vestmannaeyja. Ljósmynd/TMS

Á fundi umhverfis- og skipulagsráðs í síðustu viku var lagt fram erindi Björgvins Björgvinssonar fh. lóðarhafa Strandvegi 14A þar sem m.a óskað er eftir að breyttu deiliskipulagi á lóðinni. Lóðarhafi er Ísfélag Vestmannaeyja.

Við Strandveg 12-14 stendur Fiskimjölsverksmiðja Ísfélags Vestmannaeyja ásamt hráefnisþróm, ketilhúsi, löndunar- og flokkunarhúsi, mannaðstöðu, verkstæði og hráefnistönkum. Austan við bræðsluna er afgirt tankasvæði, olíusvæði með fjórum olíu- og lýsistönkum. Þá er blóðvatnstankur sunnan við bræðsluna, og mjölgeymsla vestan bræðslunnar.

Ísfélagið áætlar annars vegar að byggð verði viðbygging við hrognavinnslu og komið fyrir hráefnistönkum á næstu tveimur árum og hins vegar að byggt verði við núverandi mjölskemmu, í fyrstu veggir undir viðbyggingu samhliða framkvæmdum Vestmannaeyjabæjar við bílastæði vestan við hana. Síðar gerðar breytingar á húsi og viðbygging við mjölskemmu byggð á næstu árum, segir í bréfi Ísfélagsins til ráðsins.
 
1. Óskað er eftir að byggingareitur D1. sem ætlaður var undir 25m. háa mjöltanka norðan og vestan við fiskimjölsverksmiðju verði breytt í byggingarreit undir stækkun á hrognavinnslu og löndunaraðstöðu stærð 800m2 hámarkshæð 10m. og að hægt verði að koma fyrir 4. tönkum 8m. í þvermál og 10m. háum sem væru ætlaðir undir hráefni fyrir manneldisvinnslu og verði byggingareitur 450m2 undir tanka.
 
2. Að byggingarmagn verði aukið á svæði D3. fyrir viðbyggingu við núverandi mjölshús í 1300m2 og mesta hæð verði 10m. bæði fyrir eldra hús og nýbyggingu.
 
3. Athafnasvæði og lóðamörk Ísfélags verði ákveðin og skilgreind.
 
4. Að nýr viðlegukantur komi sbr. núverandi skipulag 70m. á lengd til löndunar uppsjávarfisks beint í verksmiðju og útskipunar á mjöli

Í niðurstöðu ráðsins segir að skipulagsráð líti jákvætt á framlögð byggingaráform og felur skipulagsfulltrúa að vinna breytingartillögu á deiliskipulagi í samvinnu við skipulagsráðgjafa. Ráðið vísaði 3 og 4 lið erindis til framkvæmda- og hafnarráðs.

Hér að neðan má sjá yfirlitsmynd yfir fyrirhugaðar framkvæmdir.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.