Jólahvíslið 2018:

Þetta er gjöf frá okkur til ykkar

18.Desember'18 | 07:57
Jólahvísl 2017 3

Frá tónleikunum í fyrra. Ljósmyndir/aðsendar

Á föstudaginn kemur verða tónleikarnir Jólahvísl haldnir í Hvítasunnukirkjunni. Þetta er í þriðja skiptið sem slíkir tónleikar eru haldnir. Í fyrra var nánast fullt hús og var það mál manna að tónleikarnir hafi verið mjög vel heppnaðir. 

Eyjar.net ræddi við þær Guðnýju Emilíönu Tórshamar og Elísabetu Guðnadóttur sem koma fram á tónleikunum.

En auk Guðnýjar og Elísabetar koma fram þau Guðni Hjálmarsson, Unnur Ólafsdóttir og Hjálmar Karl Guðnason. Hljómsveitina skipa Helgi Tórshamar, Dúni Geirsson, Bjarki Ingason, Simmi Einarsson, Elvar Þór Eðvaldsson, Páll Viðar, Guðný Sigurmundsdóttir og Balazs Stankowsky. Hörður Þór Harðarson sér svo um að skila hljóðinu til gesta.

Vildum gera eitthvað fallegt fyrir samfélagið okkar

„Í október 2016 langaði Unni Ólafsdóttur að halda huggulega jólatónleika í Hvítasunnukirkjunni þau jólin þar sem við, Guðný, Elísabet og Jenný, sem hefur reyndar ekki verið með okkur síðan þá, myndum syngja og leika fallega tónlist. Helgi Tórshamar og Guðbjörg Guðjónsdótti ákváðu að taka þetta soldið lengra og við fengum í lið með okkur reynda tónlistamenn. Við vildum einnig gera eitthvað fallegt fyrir samfélagið okkar hér í Eyjum, bjóða uppá tónleika þar sem fólk gæti flúið jólastressið eina kvöldstund og hlustað á ljúfa jólatónlist í huggulegu umhverfi,” segja þær aðspurðar um kveikjuna af því að halda slíka tónleika.

Allt er þetta sjálfboðavinna

Er þær eru spurðar út í fjöldann sem mættu í fyrra segja þær að hann hafi svo sannarlega komið á óvart. „Já! Heldur betur! Við bjuggumst við aukningu frá árinu áður en við áttum ekki von á svona góðri og frábærri mætingu. Við vorum mjög glöð.”

Það kostar mikla vinnu að koma slíkum tónleikum á laggirnar. Þær segja að um 30 manns komi að vinnu við tónleikana og allt er þetta sjálfboðavinna. Síðan á kirkjan okkar og söfnuðurinn mikinn þátt í þessu líka.

Hjálpa fjölskyldum í Vestmannaeyjum

Þær segja tónleikarnir verði aldrei eins og árið áður, breytast á hverju ári! „Til að mynda önnur sviðsmynd, en við segjum ekki meira.” Eins og áður segir eru tónleikarnir á föstudaginn, þann 21. des kl 20:30. Húsið opnar 20:00 og er frítt inn.
 
Að endingu vilja þær Guðný og Elísabet benda á að á staðnum verður baukur fyrir frjáls framlög sem eru mjög vel þegin til þess að hjálpa fjölskyldum í Vestmannaeyjum. „Hægt er að fylgjast með okkur á instagram og facebook; Jólahvísl! Takk Höddi.”

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).