Dagskrá Landakirkju á aðventu og jólum

15.Desember'18 | 09:06
jolatre_landakirkja

Landakirkja. Ljósmynd/TMS

Aðventan og jólin verða viðburðaríkur tími í starfi Landakirkju, nú líkt og undanfarin ár. Á sunnudaginn næsta, 16. desember, þriðja sunnudag í aðventu, mun 5. bekkur Grunnskóla Vestmannaeyja flytja Helgileikinn um fæðingu frelsarans í fjölskyldumessu kl. 11:00. 

Það er gömul og góð hefð að 5. bekkur flytji Helgileikinn og mun sú hefð vonandi viðhaldast um ókomna tíð söfnuði okkar til heilla.

Á þriðjudagskvöld, 18. desember mun Kór Landakirkju halda árlega jólatónleika sína í safnaðarheimilinu kl. 20:00. Einsöngvari verður Hallveig Rúnarsdóttir, Balázs Stankowsky mun leika á fiðlu en stjórnandi kórsins er sem endranær, Kitty Kóvács sem einnig leikur á píanó og orgel. Aðgangseyri hefur verið stillt í hóf og kostar aðeins litlar kr. 2.500.- á tónleikana.

Helgihald á aðfangadag hefst með helgistund kl. 14:00 í Kirkjugarði Vestmannaeyja. Aftansöngurinn hefst svo kl. 18:00 og miðnæturmessan kl. 23:30.

Á jóladag verður hátíðarguðsþjónusta kl. 14:00 en Lúðrasveit Vestmannaeyja mun leika undir sálmasöng og hefur forspil kl. 13:3o.

Á annan í jólum verður hátíðarguðsþjónustu á Hraunbúðum en hún hefst kl. 14:00.

30. desember kl. 16:00, daginn fyrir gamlársdag, mun árlegt jólaball Kvenfélags Landakirkju fara fram í safnaðarheimilinu. Dansað verður í kringum jólatréð, jólalögin leikin af hljómsveit, kvenfélagið býður upp á léttar veitingar og hver veit nema að einhverja rauðklædda gesti, með gjafir beri að garði.

Á gamlársdag kveðjum við gamla árið með aftansöng kl. 18:00.

Hátíðarguðsþjónusta á nýjarsdag hefst kl. 14:00 en þar mun verðandi guðfræðineminn Kristján Birkisson prédika.

Líkt og undanfarin ár verður svo messað í Stafkirkjunni í tilefni þrettánda, 6. janúar, kl. 13:00, segir í frétt á heimasíðu Landakirkju.

 

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).