Eftir Írisi Róbertsdóttur og Njál Ragnarsson

Þjónusta í þágu íbúa

6.Desember'18 | 18:16
iris_og_njall

Greinarhöfundar.

Í kvöld verður lögð fram til síðari umræðu í bæjarstjórn fjárhagsáætlun fyrir árið 2019. Síðan meirihluti Eyjalistans og H-lista, Fyrir Heimaey var myndaður þann 1. júní sl. hafa framboðin tvö mótað sínar hugmyndir um samfélagið okkar og hvernig við viljum að þróun þess verði á næstu árum. 

Á þessum rétt rúmum sex mánuðum hafa mörg góð og þörf mál litið dagsins ljós. Í fjárhagsáætlunum hvers árs skýrast þau áherslumál sem bæjarstjórn vill setja á oddinn á næsta ári og inn í framtíðina.

Meirihluti bæjarstjórnar Vestmannaeyja vill forgangsraða í þágu fræðslu- og fjölskyldumála og segja má að listarnir hafi gengið í takt hvað það varðaði fyrir kosningar. Í fræðsluráði sem og í fjölskyldu- og tómstundaráði hafa ýmis mál þegar verið lögð fram. Þannig var í haust farið af stað með vinnu til þess að efla stoðkerfi grunnskólans með myndun starfshóps sem nú hefur skilað af sér tillögum um bætt skólastarf. Ljóst er að á mörgu er að taka. Við getum þó með stolti sagt að þrjár tillögur hópsins, sem metnar voru brýnastar, verða lagaðar fram til samþykkis í bæjarstjórn á fundi hennar í kvöld.

Við gerð fjárhagsáætlunar þarf í senn að leitast til þess að veita bestu mögulegu þjónustu við íbúa bæjarins á sama tíma og reynt er að halda álögum lágum. Þá þarf að vega og meta hvaða verkefni eru mikilvæg og hver geta beðið, í því felst ábyrg stjórnun fjármuna. Í vor var ákveðið að fara í byggingu íbúða fyrir fatlaða og verður það stærsta einstaka fjárfesting næsta árs, enda allir sammála um nauðsyn þeirrar framkvæmdar.

Lagt er til að lækka álagningu fasteignaskatts á íbúðarhúsnæði úr 0,35% í 0,33% og er það gert til að bregðast við hækkun á fasteignamati í Vestmannaeyjum. Góð samstaða er í bæjarstjórn um þessa lækkun. Að sama skapi er nú unnið að því hörðum höndum við að létta undir með eldri borgurum með því að veita afslátt af fasteignagjöldum og gera það samkvæmt lögum.

Á árinu 2019 er lagt til að farið sé í mörg spennandi og þörf verkefni.

Má þar til að mynda nefna:Heilsueflingu eldri borgara, svokallað Janus verkefni sem miðar að því að með kerfisbundnum hætti er unnið að bættri heilsu eldra fólks. Aukin opnunartíma sundlaugarinnar og að halda útisvæðinu opnu allt árið. Bætt akstursþjónusta við fatlaða. Ráða æskulýðs-, íþrótta- og tómstundarfulltrúa til að halda utanum málaflokkinn og efla forvarnir.  Þetta er aðeins hluti þeirra verkefna sem lagt er upp með á næsta ári  til að bæta þjónustu við bæjarbúa. Að sama skapi er ljóst að önnur verkefni verða látin bíða þar sem forgangsröðunin er skýr; byrjað verður á að efla þjónustu við bæjarbúa sem við teljum meira aðkallandi heldur en til dæmis að ráðast í uppbyggingu nýrra bæjarskrifstofa svo eitthvað sé nefnt.

Það er okkur mikið ánægjuefni að lesa í dag stefnuskrár framboðana sem settar voru fram fyrir kosningar. Þar er ótrúlega margt sem tekist hefur að koma í framkvæmd þó stutt sé frá kosningum. Þetta er okkur hvatning til þess að halda áfram og gera enn betur. Við erum stolt af því sem tekist hefur að gera og stolt af því fólki sem gefur sig í starf í nefndum og ráðum á vegum bæjarins. Allt þetta fólk hefur einsett sér það að starfa í þágu bæjarins og íbúa hans.

Við höldum því ótrauð áfram.

 

Íris Róbertsdóttir – bæjarstjóri

Njáll Ragnarsson – formaður bæjarráðs

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).