Njáll Ragnarsson í viðtali um stöðu heilbrigðismála í Eyjum

Höldum áfram að berjast fyrir sjúkrahúsinu okkar

24.Nóvember'18 | 09:37
IMG_1202-001

Njáll Ragnarsson

Í vikunni fundaði bæjarráð Vestmannaeyja með Svandísi Svavarsdóttur, heilbrigðisráðherra um stöðu heilbrigðismála í Vestmannaeyjum. Ritstjóri Eyjar.net ræddi við Njál Ragnarsson, formann bæjarráðs um fundinn og hvort einhver von sé til þess að heilbrigðisþjónustan aukist hér í Eyjum.

Hvernig gekk fundurinn með ráðherra?

Fundurinn með ráðherra gekk vel og sömuleiðis fundur sem við áttum með nokkrum þingmönnum kjördæmisins. Ráðherra hlustaði á þær áhyggjur sem við höfum, af löngum biðtíma eftir sjúkraflugi, óviðunandi ástandi er varðar fæðingarþjónustu, skorti á bráðalækni, lokun skurðstofu o.s.frv. Ég hef látið hafa það eftir mér bæði við forstjóra HSU, þingmenn og fleiri að mín upplifun sé sú að búið sé að breyta sjúkrahúsinu okkar í heilsugæslustöð og sú þróun haldi áfram þangað til ákvörðun verður tekin um snúa henni við. Þetta snýst ekki um annað en viljann til þess að skipta um kúrs.

Hvað lögðuð þið áherslu á?

Við lögðum áherslu á nokkur atriði. Í fyrsta lagi þurfi að leita allra leiða til þess að tryggja öryggi sjúklinga í Vestmannaeyjum, staðan í dag sé algerlega óviðunandi. Lokun skurðstofunnar á sínum tíma var réttlætt með því að sjúkraflug væri til staðar í eyjum og útkallstíminn því í algjöru lágmarki. Síðan var ákvörðun tekin að færa sjúkraflugið til Akureyrar án þess að skurðstofan væri þá opnuð aftur. Þetta náttúrulega gengur ekki upp.

Í öðru lagi viljum við fara í þá vinnu að hlutverk og starfsemi sjúkrahússins verði skilgreind þannig að við vitum þá hvernig þjónusta verður veitt í Vestmannaeyjum til framtíðar. Og við lögðum mikla áherslu á að hafa fulltrúa bæjarins í þeirri vinnu. Síðan ræddum við að koma þurfi til móts við verðandi mæður sem þurfa að dvelja í Reykjavík í langan tíma fyrir fæðingu og það þurfi að gera strax. Gríðarlega kostnaðarsamt er að vera í burtu frá heimili og vinnu o.s.frv. Á meðan fæðingarþjónusta er ekki veitt í eyjum þá þurfi að huga að þessum málum.

Að lokum lýstum við eindregnum vilja til þess að fara í það verkefni að fá sjúkraþyrlu til þess að sinna sjúkraflugi á Suðurlandi. Og það er krafa okkar að þyrlan verði staðsett í Vestmannaeyjum en það myndi stytta útkallstímann hér auk þess sem bráðalæknir og hans teymi yrði þá staðsett á sjúkrahúsinu í Vestmannaeyjum. Við njótum stuðnings annarra sveitarfélaga á suðurlandi í þessu verkefni en SASS hefur ályktað um mikilvægi þess að fara í þetta. Við horfum líka til þess að frá eyjum er stutt upp á þjóðvegi á fastalandinu og því væri kjörið að staðsetja þyrluna hér.

Hver eru næstu skref?

Nú er boltinn hjá ráðherra og þingmönnum okkar. Við viljum vinna með ráðuneytinu, þingmönnum, framkvæmdastjórn HSU og öllum sem eru tilbúnir til að fara í þetta verkefni. Bæjarstjórn er algerlega einhuga í þessu og við verðum að fara að fá jákvæðar fréttir af sjúkrahúsinu okkar. Þróunin hefur bara verið niðurávið undanfarin ár og við verðum í sameiningu að snúa því við.

Nú eru bæjaryfirvöld búin að hitta ráðherra heilbrigðismála mjög reglulega síðasta áratuginn, og allir hafa þeir sýnt ástandinu mikinn skilning án þess að nokkuð hafi batnað. Eru einhverjar líkur til þess að eitthvað annað verði uppá teningnum núna?

Við skulum sjá til. Páll Magnússon tók málið samdægurs upp í pontu Alþingis. Bæjarstjóri hefur sent ráðherra póst til að fylgja fundinum eftir og ítreka okkar kröfur og áhyggjur. Ég hef verið í sambandi við þá þingmenn sem ég hef aðgang að og það er mikill samhugur í öllu bæjarráðinu og allri bæjarstjórn í þessum málum. Fjárlagavinnan er í gangi í þinginu og því var þessi tímapunktur góður hvað það varðar. Svo þurfum við bara að sjá hvað gerist. Ég er bjartsýnn að eðlisfari og trúi því að þetta sé að minnsta kosti skref í rétta átt. Við munum að minnsta kosti halda áfram að berjast fyrir sjúkrahúsinu okkar, sagði Njáll enn fremur.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).