Björg­un stefnir á end­ur­nýj­un skipa

22.Nóvember'18 | 12:57
disa

Dísa er eitt af dæluskipum Björgunar. Ljósmynd/TMS

Fyrirtækið Björgun sem sinna mun viðhaldsdýpkun í og við Landeyjahöfn næstu þrjú árin stefnir að því að endurnýja að hluta skipakost félagsins á næstu misserum.

Þetta kemur fram á heimasíðu fyrirtækisins. Þar segir enn fremur að annað hvort verði það gert með nýsmíði dæluskips eða fjárfestingu í notuðu skipi. Ljóst er þó ferlið mun taka töluverðan tíma.

Á grundvelli tilboðs Björgunar sem byggði á útboðsgögnum Vegagerðarinnar vegna dýpkunar Landeyjarhafnar á tímabilinu 2019 – 2021 hefur verksamningur verið undirritaður á milli þessara aðila um verkefnið. Tilboð Björgunar var metið hagstæðast sé tekið tillit til samanlagðs stigaskors fyrir tilboðsverð og tæknilega getu skv. mati Vegagerðarinnar. Björgun bauð núverandi skipa- og tækjabúnað félagsins til verksins sem henta við mismunandi aðstæður og á mismunandi dýpkunarsvæðum, segir einnig í fréttinni.

Mannlíf og saga - hlaðvarp

2.Mars'21

Fylgstu með hlaðvarpinu Mannlíf og saga. Nýr þáttur kemur út á hverjum fimmtudegi og er hlaðvarpið aðgengilegt hér á Eyjar.net og einnig á helstu veitum, svo sem Spotify. Sjá nánar hér...

Má bjóða þér að auglýsa hér?

23.Júní'22

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.