Jóna Sigríður Guðmundsdóttir skrifar:

Til upplýsingar – Vegna fullyrðingar um rangfærslu

20.Nóvember'18 | 15:27
jona_sigga

Jóna Sigríður Guðmundsdóttir

Varðandi það að meirihlutinn fari með rangfærslur þá vil ég fara yfir staðreyndir málsins og vona að hægt sé að sleppa frekari útúrsnúningum. Á 294. fundi umhverfis- og skipulagsráðs bókaði meirihluti ráðsins:

„Fulltrúar E og H listans telja mikilvægt að koma á framtíðarlausn fyrir tjöldun í tengslum við Þjóðhátíð þar sem tjaldsvæði fyrir Þjóðhátíð hefur verið til bráðabirgða til 5 ára á byggingareiti við Áshamar. Sú ákvörðun var aldrei grenndarkynnt enda fór hún ekki formlega inn í ráðið og því engin gögn til um ákvörðunina.“

Það er nokkuð ljóst og verður ekki um það deilt að tjaldsvæði hafa verið til bráðabirgða á byggingareit í Áshamrinum sl. fimm ár að minnsta kosti og hefði kannski verið betra að orða það þannig.

Engar ákvarðanir hafa farið formlega inn í ráðið enda engin gögn til um málið. Á 121. fundi Umhverfis- og skipulagsráðs árið 2010 gerði bæjarstjóri grein fyrir undirbúningi starfshóps Þjóðhátíðar er varðar fyrirkomulag tjaldsvæða og bílastæða á komandi Þjóðhátíð þ.e. fyrir árið 2010. Engin gögn hafa fundist hjá Vestmannaeyjabæ hverjir voru í starfshópi eða hvað kom út úr þeirri vinnu.

Að lokum skil ég ekki af hverju verið er að blanda í umræðuna stýrihópi sem skipaður var 2008 en tilgangur hans var að sjá um heildarstefnumótun fyrir Þjóðhátíð. Þróun hátíðarsvæðisins, öryggi, samgöngur, markaðsmál, þjónusta við gesti, starf sjálfboðaliða og starfsmanna, undirbúningur og frágangur sem og þróun Þjóðhátíðar. Þetta er algjörlega ótengt umræddu máli er varðar bókun meirihlutans.

Ég vona að þessar útskýringar skýri málið.

 

Formaður Umhverfis- og skipulagsráðs

Jóna Sigríður Guðmundsdóttir

 

Þessu tengt: Meirihlutinn fer rangt með

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-