Unnið að opnun bókhalds bæjarins

15.Nóvember'18 | 05:10
fartolva_blad_minni

Hægt verður að nálgast fjárhagsupplýsingar bæjarins með myndrænni og einfaldri leið.

Í árslok í fyrra sagði Rut Haraldsdóttir þáverandi framkvæmdastjóri stjórnsýslu- og fjármálasviðs Vestmannaeyjabæjar í samtali við Eyjar.net að til stæði að opna bókhald bæjarins nú í ár.

1.000.000 kr. var í fjárhagsáætlun 2018 til verksins. Enn á þó eftir að opna bókhaldið. 

Síðan þetta viðtal var birt hefur reyndar ýmislegt breyst hjá Vestmannaeyjabæ. Þáverandi meirihluti féll um mitt ár og í framhaldinu hættu bæði Elliði Vignisson, bæjarstjóri sem og Rut Haraldsdóttir, framkvæmdastjóri stjórnsýslu- og fjármálasviðs. 

Eyjar.net sendi fyrirspurn inn til Vestmannaeyjabæjar um hvar þetta mál væri nú statt tæpu ári eftir að frá þessu var greint. Til svara var Íris Róbertsdóttir, bæjarstjóri. Hún segir undirbúninginn að opnun bókhalds Vestmannaeyjabæjar vera langt á veg kominn.

Gert er ráð fyrir að opna bókhaldið í ár

„Unnið er að opnun bókhalds á sérstakri vefsíðu í samstarfi við Wise, sem sérhæfir sig í lausnum fyrir Microsoft Dynaicms NAV bókhalds- og viðskiptahugbúnaðinum, sem Vestmannaeyjabær notar fyrir bæjarsjóðinn. Upplýsingar um bókhald sveitarfélagsins verða sóttar beint í bókhaldskerfið, þar sem stuðst verður við vöruhús gagna og Microsoft Power BI við hýsingu, útfærslu og framsetningu. Hægt verður að nálgast fjárhagsupplýsingar bæjarins með myndrænni og einfaldri leið. Gert er ráð fyrir að opnun bókhaldsins geti farið fram mjög fljótlega og ekki síðar en í desember.” segir Íris.

Mannlíf og saga - hlaðvarp

2.Mars'21

Nýtt hlaðvarp/podcast fer í loftið á fimmtudaginn 4. mars nk. Nýr þáttur kemur út á hverjum fimmtudegi og verður hlaðvarpið aðgengilegt á Eyjar.net ásamt helstu veitum svo sem Spotify og Youtube. Fylgstu með...

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).