Umhverfis- og skipulagsráð:

Áfram rætt um skipulag tjaldsvæða á Þjóðhátíð

14.Nóvember'18 | 10:47
vellir

Ljósmynd/TMS

Á fundi umhverfis- og skipulagsráðs í gær var áfram rætt um skipulag tjaldsvæða á Þjóðhátíð. Formaður skipulagsráð fór yfir stöðu málsins en að störfum er vinnuhópur sem skipaður var til að finna framtíðarsvæði undir tjaldstæðin.

Sjá einnig: Senda málið aftur til vinnuhóps

Fulltrúar verða að skilja hlutverk sitt í ráðum

Bæði meiri- og minnihlutinn í ráðinu bókuðu um málið. Í bókun meirihlutans segir að fulltrúar E og H listans telji mikilvægt að koma á framtíðarlausn fyrir tjöldun í tengslum við Þjóðhátíð þar sem tjaldsvæði fyrir Þjóðhátíð hefur verið til bráðabirgða til 5 ára á byggingareiti við Áshamar. Sú ákvörðun var aldrei grenndarkynnt enda fór hún ekki formlega inn í ráðið og því engin gögn til um ákvörðunina.
 
Einnig harma fulltrúar E og H listans það ábyrgðaleysi fulltrúa D-listans þar sem þeir bókuðu á 293 fundi um kostnaðartölur og veikja þannig samningsstöðu Vestmannaeyjabæjar með því að opinbera þær. Kostnaður tilheyrir ekki ráðinu en fulltrúar D-listans höfðu ekkert um skipulagið að segja sem tilheyrir ráðinu. Fulltrúar verða að skilja hlutverk sitt í ráðum og halda sig við það sem tilheyrir þeirra ráði. 

Eru fullfærir um að skilja sitt hlutverk í ráðinu hjálparlaust

Í bókun minnihlutans segir að fulltrúar Sjálfstæðisflokksins telji fjarri lagi að það sé ábyrgðarleysi að hugsa um skattfé íbúa og vísa því á bug. Þvert á móti er það mat okkar að ábyrgðarleysi sé að hugsa ekki út í kostnaðartölur við ákvarðanatöku sama hvers eðlis málið er, en umræddar kostnaðartölur voru þess eðlis að okkur þykir ekki verjandi að fara í þessa framkvæmd og höfum m.a. komið með tillögur að öðrum ódýrari lausnum.
Fulltrúar Sjálfstæðisflokksins eru fullfærir um að skilja sitt hlutverk í ráðinu hjálparlaust og frábiðja sér fullyrðingar um annað.

Ráðið fundar með starfshópnum

Niðurstaða málsins var að ráðið muni funda með starfshópnum á næstunni.

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%