Stuðningsyfirlýsingin kom ekki

Minnihlutinn skoraði á meirihluta bæjarstjórnar að lýsa yfir trausti á stjórn Herjólfs ohf.

13.Nóvember'18 | 05:09
baejarstj_18

Frá fundi bæjarstjórnar. Ljósmynd/TMS

Á fundi bæjarstjórnar Vestmannaeyja á fimmtudaginn síðastliðinn voru samgöngumál til umræðu. Þar bar fulltrúi Sjálfstæðisflokksins upp eftirfarandi bókun:

„Bæjarfulltrúar Sjálfstæðisflokksins lýsa yfir mikilli ánægju með siglingaráætlun Herjólfs sem tekur gildi við komu nýs Herjólfs líkt og kom fram í bókun bæjarráðs. Þá fagna bæjarfulltrúar Sjálfstæðisflokksins hóflegri gjaldtöku fyrir heimamenn og því að ekki þurfi lengur að leggja út tugi þúsunda fyrir inneignarkorti, en slíkt hefur verið mörgum þungur baggi og jafnvel óyfirstíganlegur.

Þá lýsa bæjarfulltrúar Sjálfstæðsflokksins yfir fullum stuðningi við stjórn Herjólfs ohf. Stjórnarmeðlimir hafa fjölbreytta reynslu, úr stjórnsýslu, atvinnulífi, rekstri, almennri þekkingu á samfélaginu og síðast en ekki síst yfirgripsmikla þekkingu á þeim samningi Vestmannaeyjabæjar við Vegagerðina sem tryggði samfélaginu miklar samgöngubætur. Sá ávinningur sem verður af verkefninu er samfélaginu mikils virði og ein meginforsenda þess að við náum að vaxa sem samfélag.

Við skorum á meirihluta bæjarstjórnar að lýsa yfir trausti á stjórn Herjólfs ohf. og þar með á verkefnið sjálft. Þannig getum við horft sameinuð á þetta stærsta hagsmunamál okkar Eyjamanna.” segir í bókun minnihlutans sem þau Hildur Sólveig Sigurðardóttir, Trausti Hjaltason og Eyþór Harðarson skrifuðu undir.

Meirihlutinn varð ekki við áskorun Sjálfstæðisflokksins og var ofangreind bókun ekki rædd frekar á fundinum.


 

Bók Bjarna í Bónus

2.Desember'19

Nú er hægt að kaupa bók Bjarna Jónassonar „Að duga eða drepast” í Bónus, Vestmannaeyjum. Að duga eða drepast lýsir lífshlaupi Bjarna Jónassonar, flugmanns og útvarpsstjóra í Vestmannaeyjum.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.