Bærinn styrkir bókaútgáfu

- Markmið bókarinnar er að hjálpa börnum að takast á við alvarlegan kvíða

8.Nóvember'18 | 06:55

Vestmannaeyjabær. Ljósmynd/TMS

Fjölskyldu- og tómstundaráð Vestmannaeyjabæjar tók fyrir á síðasta fundi sínum ósk um styrk vegna útgáfu á nýrri meðferðarbók fyrir börn og unglinga, sem tekur á kvíða hjá eldri börnum, á aldrinum 9 - 13 ára.

Erindið var frá Thelmu Gunnarsdóttur og Árnýju Ingvarsdóttur sálfræðingum. Markmið bókarinnar er að hjálpa börnum að takast á við alvarlegan kvíða.

Bókin er mikilvægt hjálpartæki fyrir börn og unglinga og nýtist vel fagaðilum sem starfa með börnum t.d. í skóla, félagsþjónustu og heilbrigðiskerfinu. Styrkveiting gefur kost á 10 fríum eintökum ásamt kynningu á efni hennar til foreldra og/eða fagaðila sé þess óskað.

Fjölskyldu- og tómstundaráð samþykkir að veita 300.000 kr styrk til verkefnisins gegn því að fá kynningu á efninu fyrir foreldra og/eða fagaðila og eintök af bókinni, segir í bókun ráðsins.