Landeyjahöfn

Með tilkomu nýrrar ferju þarf að sjálfsögðu ekki að dýpka eins mikið

3.Nóvember'18 | 11:34
galilei

Galilei 2000 hefur séð um dýpkun Landeyjahafnar undanfarin ár. Ljósmynd/TMS

Á dögunum voru opnuð tilboð í dýpkun Landeyjahafnar næstu þrjú árin. Fyrirtækið Björgun átti þar lang lægsta tilboðið. Samkvæmt útboðinu á aðeins að dæla 300 þúsund rúmmetrum á ári, en undanfarin ár hefur magnið oft á tíðum verið tvöfalt það.

Eyjar.net birtir nú svör Vegagerðarinnar vegna útboðsins og dýpkunar hafnarinnar.

Nú var nýverið boðin út dýpkun í Landeyjhöfn og var Björgun með lægsta boð. Ætlar Björgun að bæta við sig tækjakosti til að sinna dýpkun í Landeyjahöfn – fari svo að fyrirtækið fái verkið?

Málið er enn í vinnslu.

Voru sett einhver skilyrði í útboðið varðandi tækjakost og afköst?

Já það var einkum gert með því að skipta skilyrðum upp í tvennt, annars vegar verðinu sem gaf þá 65% og hins vegar tækjabúnaði sem verktakinn bauð og var þá horft á afkastagetu, stjórnhæfni skips, getu til að dýpka við mismunandi öldufar og dýpi og ýmsir fleiri þættir. Að auki átti að segja frá sambærilegum verkum og hvernig ætlunin var að standa að dýpkun.

Síðan er í gögnunum krafa um að dýpka við ákveðnar aðstæður og ef það er ekki gert falla á verktakann dagsektir ef dýpi er ekki nægjanlegt í höfninni.

Nú á einungis að dýpka 300.000 rúmmetra á ári í Landeyjahöfn eftir að ný ferja kemur – á móti ca. 700.000 rúmetrum sem dýpkað hefur verið undanfarin ár. Telur þú að þessi dýpkun dugi til að halda höfninni opinni í 9-10 mánuði á ári?

Dýpkað hefur verið í höfninni frá 250 upp í 640 þúsund rúmmetra. Þar af var tekið mikið efni til hliðar við höfnina haustið 2015. Með ferju sem ristir um 1,5 m minna en núverandi ferja þá þarf að sjálfsögðu ekki að dýpka eins mikið. Stefnt er að því að dýpka frá sjó frá mars fram í maí og svo aftur frá september til nóvember eins og verið hefur að mestu raunin síðustu ár.

Yfir háveturinn er ætlunin að dýpka frá garðsendum með sanddælu sem hangir í krana. Það efni er svo losað í upp á land í fjörunni, segir í svari Vegagerðarinnar við spurningum Eyjar.net.

 

Fleiri svör Vegagerðarinnar:

Frá miðjum nóvember fram í miðjan mars má reikna með töluverðum frátöfum

Komi ný ferja fyrr til landsins verða skoðaðir möguleikar á að koma henni fyrr í rekstur

 

 

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is