Skipulag tjaldsvæða á Þjóðhátíð:

Senda málið aftur til vinnuhóps

2.Nóvember'18 | 07:16
tjaldgestir_thjod

Ljósmynd/TMS

Skipulag tjaldsvæða á Þjóðhátíð var tekið fyrir á fundi umhverfis- og skipulagsráðs í vikunni. Formaður skipulagsráðs kynnti niðurstöður vinnuhóps um skipulag tjaldsvæða á Þjóðhátíð. 

Starfshópinn skipuðu þau Jóna Sigríður Guðmundsdóttir, Dóra Björk Gunnarsdóttir og Páll Scheving ásamt framkvæmdastjóra umhverfis- og framkvæmdasviðs og skipulagsfulltrúa.
 
Starfshópnum var falið að koma með tillögu að framtíðar tjaldsvæði í tengslum við tjöldun á Þjóðhátíð. Starfshópurinn ákvað eftir fyrsta fund að leggja til nýtt svæði sem kemur til með að taka við af tjaldsvæði sem undanfarin fimm ár hefur verið staðsett á byggingarlóðum í Áshamri.
 
Starfshópurinn fundaði í tvígang og lagði fram eftirfarandi tillögu fyrir umhverfis- og skipulagsráð:

- að tjaldsvæðaþörf verði mætt innan íþrótta- og útivistarsvæðis við Hástein.
- að suður af Týsheimili verði útbúin ný svæði með takmarkaða notkun.
 
Verði tillagan samþykkt þarf að breyta útivistasvæði í tímabundin tjaldsvæði í deiliskipulagi skv. ákvæðum Skipulagslaga.
 

Kostnaður við gerð nýs tjaldsvæðis áætlaður á þriðja tug milljóna

Í bókun frá fulltrúum D-lista segir að samkvæmt þeim upplýsingum sem komið hafa fram á fundinum er kostnaður við gerð nýs tjaldsvæðis áætlaður á þriðja tug milljóna. Í þessu máli liggur fyrir að slétta þarf stórt svæði, koma fyrir góðri lýsingu, gæta að öruggri aðkomu viðbragðsaðila, tengja rotþrær og fleira.

Fulltrúar Sjálfstæðisflokksins telja ekki forsvaranlegt að útsvarsgreiðendur í Vestmannaeyjum greiði fyrir gerð nýs tjaldsvæðis, sem nýta á í fimm daga á ári eins og fram kemur í niðurstöðu stýrihópsins. Fulltrúar Sjálfstæðisflokksins telja að hægt að finna aðrar lausnir til þess að leysa þetta verkefni sómasamlega án þessa gríðarlega tilkostnaðar. Því fylgir ábyrgð að fara með skattfé samborgara okkar og okkur finnst illa farið með fé bæjarbúa í þessu tilviki, segir í bókun minnihlutans.
 
Niðurstaða ráðsins er að senda málið aftur til vinnuhóps.
 

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.