Bæjarráð Vestmannaeyja:

Mikilvægt að sem breiðust samstaða ríki um yfirtöku á rekstri Herjólfs

2.Nóvember'18 | 10:08
herjolfur_nyr_cr_sa_c

Herjólfur ohf. mun reka nýja Vestmannaeyjaferju næstu tvö árin. Mynd/Crist S.A

Á fundi bæjarráðs í gær var einu sinni sem oftar umræða um samgöngumál milli lands og Eyja. Þar var eftirfarandi bókað:

Samgöngumál eru eitt stærsta hagsmunamál Vestmannaeyinga. Með yfirtöku á rekstri Herjólfs, næstu tvö árin, er forræðið yfir helstu samgönguæð Vestmannaeyja við fastalandið í höndum íbúanna sjálfra. Bæjarráð harmar þá neikvæðu umræðu sem hefur að undanförnu komið fram í samfélaginu um Vestmannaeyjaferjuna Herjólf ohf. Ekki er að vænta annars en að jákvæð samfélagsleg áhrif þessa verkefnis verði gríðarleg fyrir fyrirtæki í Eyjum, ferðaþjónustuna sem og íbúa alla. Sömuleiðis er mikilvægt að sem breiðust samstaða ríki um verkefnið meðal bæjarbúa. 

Bæjarráð Vestmannaeyja fagnar þeirri tillögu um siglingaáætlun sem stjórn Vestmannaeyjaferjunnar Herjólfs ohf. hefur sett fram og taka á gildi 30. mars nk. Áætlunin er mikið framfaraspor fyrir Vestmannaeyjar og þýðir í raun að þjóðvegurinn milli lands og Eyja verður opinn frá kl. 7 á morgnanna fram undir miðnætti alla daga, en aldrei áður hefur komið fram siglingaáætlun á leiðinni milli lands og Eyja sem býður upp á slíka þjónustu. 

Ofangreind bókun var samþykkt af öllum fulltrúum bæjarráðs. 

Fulltrúi minnihluta lýsir yfir stuðningi við stjórn Herjólfs ohf.

Þessu til viðbótar lagði Trausti Hjaltason, fulltrúi D-lista í bæjarráði fram eftirfarandi bókun: 

Hvatt er til eindreginnar samstöðu Eyjamanna um það mikilvæga verkefni sem að yfirtaka á rekstri Herjólfs er og lýsir yfir fullum stuðningi við verkefnið. Þá er lýst yfir stuðningi við stjórn Herjólfs ohf. og þau mikilvægu störf sem að hún vinnur að við eflingu samgangna milli lands og Eyja. 

Lögð fram drög að eigendastefnu Vestmannaeyjaferjunnar Herjólfs ohf.

Þá var á fundinum lögð fram drög að eigendastefnu fyrir Vestmannaeyjaferjuna Herjólf ohf. Unnið verður að því að ljúka við gerð eigendastefnunnar milli funda og hún lögð fyrir næsta reglulega bæjarráðsfund til samþykktar.

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).