Beðið eftir gjaldskrá og siglingaáætlun

Leggja til 14% hækkun á fargjaldi með nýjum Herjólfi

1.Nóvember'18 | 09:05
nyr_her_crist

Gert er ráð fyrir að nýja ferjan hefji áætlun á milli lands og Eyja um mánaðarmótin mars/apríl 2019.

Ný gjaldskrá fyrir Vestmannaeyjaferjuna Herjólf og siglingaáætlun sem taka eiga gildi 30. mars 2019 bíða samþykkis Vegagerðarinnar. „Þetta er enn óskoðað af okkar hálfu,” sagði G. Pétur Matthíasson, upplýsingafulltrúi Vegagerðarinnar. 

Stjórn Herjólfs ohf. leggur m.a. til hækkun á almennu fargjaldi fullorðinna í 1.600 krónur. G. Pétur sagði að stjórn Herjólfs ohf. þyrfti væntanlega að færa rök fyrir þörfinni á fargjaldshækkuninni. Fulltrúar Vegagerðarinnar og Herjólfs ohf. ætla að funda í dag. Farþegar geta keypt afsláttar- og inneignarkort sem veitir 40% afslátt af fargjaldi og gjaldi fyrir bíla. Fjallað er um málið í Morgunblaðinu í dag.

Vilja hafa borð fyrir báru

Samningur milli Vestmannaeyjabæjar og Vegagerðarinnar um rekstur nýja Herjólfs var ræddur í bæjarstjórn Vestmannaeyja í apríl í vor og var hann einnig kynntur á íbúafundi. Þá var rætt um að gjaldskráin yrði nánast óbreytt.

Rætt var um að hækka fargjaldið úr 1.380 krónum í 1.400 krónur en nú er lagt til að fargjaldið verði 14% hærra. „Þótt ákveðið hafi verið á sínum tíma að hafa fargjaldið í kringum 1.400 krónur er almennt óvissa um þróun í rekstrarumhverfinu. Ferjan er ekki komin og reksturinn ekki að fullu formaður. Menn reyna að hafa borð fyrir báru. Þess vegna var gerð tillaga um að teygja sig upp í 1.600 krónur. Þetta er háð samþykki Vegagerðarinnar,” sagði Guðbjartur Ellert Jónsson, framkvæmdastjóri Herjólfs ohf. Hann sagði að ef breyta þyrfti gjaldskrá Herjólfs væri betra að geta lækkað verðið en að þurfa að knýja á um hækkun.

Guðbjartur sagði orðið brýnt að Vegagerðin staðfesti siglingaáætlun og gjaldskrá nýs Herjólfs sem allra fyrst. „Ferðaskipuleggjendur og aðrir þurfa að hafa siglingaáætlunina og gjaldskrána á hreinu þegar þeir eru að selja ferðir. Öll ferðaþjónustufyrirtæki eru að skipuleggja sína markaðssetningu. Ég ætla að vona að menn ákveði fljótt hvað á að sigla mikið og hvernig á að verðleggja ferðirnar,” sagði Guðbjartur. Hann sagði að ekki yrði opnað fyrir bókanir með nýjum Herjólfi fyrr en samþykkt siglingaáætlun og gjaldskrá lægi fyrir, segir enn fremur í umfjöllun Morgunblaðsins.

Tags

Herjólfur

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).