Lúðvík fór ekki rétt með

31.Október'18 | 06:48
ludvik_b

Lúðvík Bergvinsson

Í gær greindi Eyjar.net frá því að Halldór Bjarnason hefði sagt af sér sem varamaður í stjórn Herjólfs ohf. Þá er engin varamaður eftir í stjórn félagsins. Lúðvík Bergvinsson stjórnarformaður Herjólfs ohf. tjáði sig um málið í gær.

Í samtali við Eyjafréttir segir Lúðvík :

„til skýringar var sú nýbreytni tekin upp á síðasta hluthafafundi í félaginu að kjósa varamenn í stjórn. Það hafði ekki verið gert áður. Stjórnin er fullmönnuð í dag samkvæmt lögum og samþykktum félagsins og því kallar þessi úrsögn ekki á neinar sérstakar aðgerðir.”

En í stofnfundargerð Herjólfs ohf. frá 19. maí sl. segir:

„Þá fór fram kosning í trúnaðarstöður hjá félaginu. Í stjórn félagsins náðu kjöri Grímur Gíslason, Páll Guðmundsson, Arndís Bára Ingimarsdóttir, Lúðvík Bergvinsson og Kristín Jóhannsdóttir. Til vara voru kosnir Birna Vídó Þórsdóttir og Ólöf Aðalheiður Elíasdóttir.

Þóknun til stjórnarmanna var ákveðin 65.000 kr. á mánuði og hlýtur formaður tvöfalda þóknun. Varamenn fá greiddar 30.000 kr. fyrir þann mánuð sem þeir sitja fund.”

Af þessu má sjá að í bæði skiptin sem búið er að kjósa í stjórn í félaginu, hafa varamenn verið kosnir. Það er því ekki rétt hjá Lúðvík að um nýbreytni sé að ræða að kosnir séu varamenn í stjórn Herjólfs ohf. Varamenn hafa verið til staðar allar götur síðan félagið var stofnað. Þar til um síðastliðna helgi.

 

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Bók Bjarna í Bónus

2.Desember'19

Nú er hægt að kaupa bók Bjarna Jónassonar „Að duga eða drepast” í Bónus, Vestmannaeyjum. Að duga eða drepast lýsir lífshlaupi Bjarna Jónassonar, flugmanns og útvarpsstjóra í Vestmannaeyjum.