Uppfært - Ný tímasetning

Söfnun fermingarbarna á fimmtudag kl. 17.00

30.Október'18 | 13:59
barn-við-brunn-kirkjan.is

Eitt af verkefnunum sem farið hefur verið í er söfnun fyrir vatnsbrunnum í Afríku.

Meðal þess sem fermingarbörnin fá að kynnast í vetur er þróunarsamvinna og hjálparstarf á vegum kirkjunnar okkar. Við njótum samstarfs við starfsfólk Hjálparstarfs kirkjunnar sem hefur útbúið efnið sem við notum, myndir og upplýsingar um líf fólksins á verkefnasvæðum í Afríku. 

Fermingarbörnin fá að kynnast erfiðleikum sem fólkið glímir við og við munum ræða ábyrgð okkar á því að allir jarðarbúar fái lifað mannsæmandi lífi. Síðan ganga fermingarbörnin í hús og safna framlögum til verkefnisins sem hefur verið kynnt. Mörg hafa reynslu af því að ganga í hús og safna fyrir íþrótta- og félagsstarfi. Fyrir söfnunina fá börnin leiðbeiningar frá okkur um framkomu, öryggi og að gleyma ekki að vera vel klædd. Þau fara a.m.k. tvö eða fleiri saman. 

Í samstarfi við Hjálparstarf kirkjunnar, sem okkar kirkja stendur að, höfum við skipulagt söfnun í Vestmannaeyjum. Söfnunardagur þessa verkefnis er 1.nóvember kl. 17:00.

Við teljum að með verkefninu gefist tækifæri til að fræða fermingarbörnin um boðskap Krists á áþreifanlegan hátt. Með því skapast einnig mótvægi við síbylju neikvæðra frétta og tækifæri til að skynja að öll getum við lagt eitthvað af mörkum. Á unglingsárum þegar skilningur vex og ungt fólk er að móta sér lífsstíl er mikilvægt að fá að setja sig í samhengi við aðra í heiminum og skynja kraft sinn til þess að breyta rétt og hafa áhrif.

Verkefni þetta var fyrst unnið fyrir nítján árum og hefur gefist mjög vel. Fermingarbörn í fleiri en 60 sóknum um land allt taka þátt nú.

 

Með bestu kveðjum,
Sr. Guðmundur Örn og sr. Viðar Stefánsson

 

Uppfært - ný tímasetning er á fimmtudag kl. 17.00

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).